A competición na Liga Feminina 2 (LF2) arrica o 3 de outubro cun duelo de rivalidade entre conxuntos galegos. O Baxi Ferrol iniciaba os adestramentos coa mirada posta nese primeiro partido que as medirá ás pontevedresas do Arxil coma visitantes.
A pretempada arricou para o Baxi Ferrol como rematou a anterior, ás ordes do técnico Lino López. Esta campaña o adestrador vai estar acompañando no corpo técnico por Sandra Prieto e Sergio Jaurena que exercerá como preparador físico e readaptador. Carlota Brage encargaráse da fisioterapia.
A principios de semana tanto as persoas que integran o corpo técnico, como as xogadoras nacionais (Patri Cabrera, Natalia Rodríguez, Patricia Benet, Laura Fernández e Irene Gari, ademais das juniors Sonia Bra e Carla Peña) sometéronse ás probas de COVID-19 nas que, segundo comunicaba o club, non houbo persoas positivas.
As probas leváronse a cabo no Hospital Juan Cardona, dando negativas en todos os casos, polo que poideron incorporarse o martes aos adestramentos no pavillón da Malata.
As primeiras sesións estaban programadas para as 12.00 e 21.00 horas. A partir do xoves están previstas as incorporacións das xogadoras estranxeiras. Tamén elas terán que pasar as probas da COVID-19 antes de poder incorporarse aos adestramentos segundo se vaian conformando os seus negativos nos tests.
Jenna Allen será a última en sumarse ao Baxi Ferrol
O xoves 3 de setembro está prevista a chegada da finesa Anniina Aijanen e a somoana Dynn Leaupepe. O venres será a quenda das arxentinas Andrea Boquete e Julieta Mungo. O sábado está previsto que chegue a Ferrol a sudafricana Sune Swart.
A última xogadora en incorporarse será a americana Jenna Allen, que non estará ás ordes de Lino López até mediados de mes.
