A Copa Galicia de baloncesto xa ten novo vencedor. O BAXI Ferrol alzouse co título da última edición tras vencer por un 68-61 ao Durán Maquinaria Ensino. A final disputouse no pavillón da Raña de Marín, e con este resultado as ferrolás fixéronse co seu sexto trofeo autonómico.
Nos primeiros compases o partido estivo igualado, pero co paso dos minutos as pupilas de Lino López fixéronse co control do encontro fronte ás lucenses de Miguel Ángel Ortega.
Duelo entre referentes do baloncesto galego
O Ensino saltou con forza á pista de Marín e conseguiu dominar o tempo do encontro nos primeiros minutos, asinando as primeiras canastras. As ferrolás reaccionaron cun parcial 9-0 e lograron poñer as táboas no marcador. O primeiro cuarto rematou no 15-15.
Para o segundo parcial, o BAXI aumentou o nivel da defensa, robando balóns clave no partido, e aumentando así a súa vantaxe para chegar ao descanso no 35-27. Despois do paso por vestiarios, o equipo de Lino López seguiu presionando para aumentar a súa vantaxe, situando o electrónico no 41-27.
Entón, o Ensino volveu coller ritmo de partido, para anotar tres triplos consecutivos e dous tiros libres recortou distancias, chegando a realizar un parcial 11-0. As lucenses estaban xa a só tres puntos, pero as ferrolás apostaron pola defensa para asegurar a súa vitoria e remataron o terceiro cuarto cun 52-43.
No parcial final, as forzas seguían igualadas. As de Ortega presionaban para cambiar de mans o mando do duelo, pero as xogadoras do BAXI mantiñan o seu alto nivel afianzando a vitoria. A falta de catro minutos, a distancia entre ambos equipos era de só dous puntos, deixando o resultado aberto. Porén, as de López loitaron polo seu triunfo, controlando o ritmo dos últimos minutos, asegurándose así a Copa Galicia cun resultado final de 68-61.
FICHA TÉCNICA
BAXI FERROL: Taylor Sue (6), Milica Ivanovic (13), Carmen Grande (12), Jenna Allen (4) e Sune Swart (8). Tamén xogaron: Alicia Villegas (4), Irene Gari (-), Zoe Wadoux (12), Patri Cabrera (3) e Natalia Rodríguez (6).
DURÁN MAQUINARIA ENSINO: Alba Prieto (14), Alessandra Orsili (14), Laura Aliaga (-), Georgina Bahí (10) e Chatrice White (2). Tamén xogaron: María Eraunzetamurgil (3), Marina Lizarazu (12), Natalie Van den Adel (2) e Sofía da Silva (4).
MARCADOR: 15-15, 35-27, 52-43 e 68-61.
ARBITRAXE: Jacobo Rial, Guillermo Ríos e Cristian Martínez.
INCIDENCIAS: Final da Copa Galicia de baloncesto disputada no pavillón da Raña en Marín.
Galería fotográfica
1. BAXI vs Ensino na Copa Galicia / ENSINO
BAXI vs Ensino na Copa Galicia / ENSINO
2. Carmen Grande na Copa Galicia do BAXI vs Ensino / UNIFERROL
Carmen Grande na Copa Galicia do BAXI vs Ensino / UNIFERROL
3. BAXI vs Ensino na Copa Galicia / ENSINO
BAXI vs Ensino na Copa Galicia / ENSINO
4. BAXI vs Ensino na Copa Galicia / ENSINO
BAXI vs Ensino na Copa Galicia / ENSINO
5. BAXI vs Ensino na Copa Galicia / ENSINO
BAXI vs Ensino con Miguel Ángel Ortega na Copa Galicia / ENSINO
6. BAXI vs Ensino na Copa Galicia / ENSINO
BAXI vs Ensino na Copa Galicia / ENSINO
7. BAXI vs Ensino na Copa Galicia / ENSINO
BAXI vs Ensino na Copa Galicia / ENSINO
8. BAXI vs Ensino na Copa Galicia / ENSINO
BAXI vs Ensino na Copa Galicia / ENSINO
9. As capitás do BAXI recollen a Copa Galicia / UNIFERROL
As capitás do BAXI recollen a Copa Galicia / UNIFERROL
10. O BAXI vence a Copa Galicia / UNIFERROL
O BAXI vence a Copa Galicia / UNIFERROL
11. O BAXI vence a Copa Galicia ante o Ensino / ENSINO
O BAXI vence a Copa Galicia ante o Ensino / ENSINO
O BAXI continúa coa campaña de abonos
A só uns días do comezo da competición oficial, o BAXI Ferrol, que competirá co Ensino en LF Endesa, roza as mil persoas abonadas e continúa coa súa campaña. Este luns e o mércores estará aberto o despacho de billetes do pavillón da Malata para as renovacións e altas, así como a retirada de carnés das persoas xa abonadas.
Durante toda a semana, de 12:00 a 15:00 e de 19.00 a 23:00 horas, poderán realizarse estas mesmas xestións na sede da peña Ruxidos de Esteiro, no Bar Sur na rúa Magdalena 50.
