A 16ª xornada da LF2 de baloncesto trae un duelo entre dous dos mellores equipos da categoría. As galegas do BAXI Ferrol reciben ao Extremadura Miralvalle Plasencia, o equipo revelación da tempada. O duelo celebrarase o sábado, 16 de xaneiro, ás 19:00 horas.
O equipo ferrolán, dirixido por Lino López, está a ser o líder indiscutible da Liga Feminina 2. Polo de agora, non atopou rival que o vencera, logrando así un pleno de vitorias nas 15 xornadas que se disputaron.
De todas formas, nos últimos encontros o equipo galego, aínda que vence, xa non logra desarmar por completo ás súas opoñentes. Os conxuntos galegos foron dignos rivais para o BAXI Ferrol, que gañou a todos, pero estivo por momentos contra as cordas.
Por iso, as de Lino López non deben confiarse. Sobre todo ante un rival que está pisando forte na LF2. O Miralvalle chega da primeira derrota en once xornadas, ante o segundo clasificado, o Osés Construcción Ardoi.
Así, as once vitorias que levan as novatas da categoría permitíronlles situarse na posición de bronce. Actualmente, só catro puntos, ou dúas vitorias, as separan das galegas.
Por iso, Lino López confesa que “trataremos de poñer un ritmo moi alto para que se desgasten, como adoitamos facer en todos os partido e, desa forma, que elas acusen o esforzo”.
Lino López: “Trataremos de poñer un ritmo moi alto para que se desgasten”
Xogadoras como Princess Aghayere (entre as máximas anotadoras e a mellor valorada da categoría de prata) ou Stacia Robertson son dous piares fundamentais no xogo do Miralvalle.
Por parte local, baloncestistas da talla de Irene Gari, Dynn Leaupepe ou Aijanen manteñen alto o nivel dun equipo que confía no xogo colectivo para cumplir os seus obxectivos.
O partido entre BAXI e Miralvalle poderá seguirse vía streaming no Canal FEB.
O debut de Brooke Salas no BAXI deberá esperar
Nas filas do BAXI segue faltando unha peza moi importante. Jenna Allen segue de baixa pola súa lesión e, por iso, o club universitario buscou outra baloncestista para completar o plantel.
Atopouna en Brooke Salas, compatriota de Jenna Allen, que ven ao BAXI para xogar o que resta de tempada Pero o seu estreo coa camisola do club departamental deberá agardar, xa que Salas non chegará a Ferrol ata a próxima semana.