A Coruña acolleu por primeira vez na súa historia o torneo do KO da categoría de prata do vólei feminino estatal, a Copa Princesa 2023, onde os catro mellores conxuntos da competición disputaron as roldas finais. O triunfo neste trofeo foi para o Barça CVB.
Desde o 6 de xaneiro ata hoxe, domingo 8, a Copa Princesa 2023 citou na cidade da Coruña aos seis mellores conxuntos da Superliga Feminina 2 de voleibol. Participaron os equipos: MCR Premià de Dalt, CV Melilla Sport Capital, o Club Voleibol Barcelona, Cartagena Algar Surmenor e Extremadura Arroyo, xunto co Autos Cancela CV Zalaeta, o único conxunto deportivo galego que quedou eliminado da competición na fase de grupos.
Foi, sen dúbida, un partido moi axustado e disputado. O equipo andaluz gañou ao conxunto estremeño no quinto set 3-2, acadando o bronce desta Copa Princesa 2023.
Non houbo un claro dominante do encontro, que se presentou moi axustado en ambos os lados da pista. Comezaban gañando o primeiro as murcianas cun 28-26 no marcador, o segundo leváronllo as de Extremadura Arroyo noutro potente set con tan só 2 puntos por diante (23-25), algo que se repetiu no terceiro (24-26) e que lles proporcionaba a vantaxe no combate.
As primeiras clasificadas do Grupo A en a liga Regular non viñeron abaixo e pelexaron polo cuarto, conseguindo empatar cun 25-19. Finalmente, as xogadoras que adestra Pascual Saurín impuxéronse no quinto e último set (15-10) ás estremeñas e conseguiron un merecido terceiro posto na súa primeira participación en Copa Princesa 2023 cun 3-2.
Barça CVB e CV Melilla disputaron a final no Barrio das Flores
Os dous mellores conxuntos da Copa Princesa 2023 disputado no pavillón do Barrio das Flores enfrontáronse ás 12:00 horas deste domingo, 8 de xaneiro.
As melillenses, recentemente ascendidas da categoría de Primera Nacional, fixéronse co primeiro set nesta loita polo bronce. Asinaron un tanteo de 25-22 diante das favoritas.
O Barça CVB conseguía o empate pechando o segundo set cunha diferenza de seis puntos (19- 25). As xogadoras de Barcelona estaban cómodas na pista coruñesa e, durante o terceiro set, volveron vencer ás súas rivais melillenses cun esmagador 8-25.
Aínda que as xogadoras do CV Melilla Sport Capital pelexaban por empatar, non conseguían sobrepoñerse e escápaselles o cuarto set diante das favoritas, que se proclamaban así campioas da XVI Copa Princesa.
O Barça CVB foi deste xeito o gañador da Copa Princesa 2023, logo dunha victoria 3-1 contra o CV Melilla Sport Capital na gran final da competición.
Entrega de trofeos da Copa Princesa 2023
Na entrega de trofeos aos protagonistas desta última xornada da Copa Princesa 2023 participaron Estrella Pérez, directora do IES Zalaeta; Nicolau Santos, presidente do club organizador da competición, o Autos Cancela CV Autos Cancela Zaleta; o presidente da Federación Española de Voleibol, Agustín Martín Santos; o presidente da Federación Galega, José Ángel Luna; a concelleira de Comercio, Mercados Consumo e Barrios en representación do Concello da Coruña, Diana Sobral; e o vicepresidente segundo e conselleiro de Presidencia, Xustiza e Deportes da Xunta de Galicia, Diego Calvo.
Meriyen Serrano, central do Barça CVB, foi galardoada como mellor xogadora (MVP) do torneo.
