Esta fin de semana, o balonmán galego e o coruñés están de celebración. Comeza unha nova tempada da Primera Autonómica, e ademais de poder ver aos equipos galegos en acción, un máis únese á festa. O Balonmán Brigantium Nunegal estrearase en competición cun primeiro partido ante o Coreti Lalín en terras pontevedresas.
O duelo terá lugar o vindeiro domingo, 12 de setembro, ás 12:30 horas. Unha data especial para o club que toma o relevo do Club Balonmano Coruña como equipo feminino sénior da cidade herculina. Unha semana despois, o 19, as coruñesas xogarán por primeira vez en casa.
O Brigantium debutará cun equipo “que mistura xuventude, cun bo número de xogadoras que proceden das categorías inferiores do Brigantium, e a experiencia, de xogadoras que xa disputaran varias tempadas en Primera Autonómica”. Desta forma, o conxunto da o primeiro paso para consolidar un proxecto que busca ser referente no balonmán coruñés.
