A tempada 2020/2021 non terá final da Copa Galicia de baloncesto. A xornada, adiada en numerosas ocasións, ven de ser definitivamente cancelada pola Federación Galega de Baloncesto.
O organismo informou aos clubs clasificados para a final feminina (Durán Maquinaria Ensino e BAXI Ferrol) e masculina da decisión. Tradicionalmente, esta cita ten lugar ao inicio de cada tempada regular, pero a situación provocada pola pandemia de COVID-19 impediu que así fora nesta edición.
A FGB traballa na Copa Galicia 2021/2022
A Federación admite a “imposibilidade de xestionar, tanto anteriormente como de cara aos meses futuros; novas datas para a súa disputa”. Por este motivo, a Copa Galicia da edición 2020/2021 non terá vencedor.
Porén, a FGB informa de que xa está traballando en organizar “dende cero” a competición para o próximo curso, “e xa nas súas datas orixinais de pretempada”.
