Esta semana, despois de que a Real Federación Española de Atletismo (RFEA) dera a coñecer o seu calendario oficial de probas, “aprobáronse telematicamente pola Xunta Directiva e Comisión Delegada da FGA os aspectos máis importantes que marcarán a axenda do atletismo galego no ano 2021”, segundo informa a Federación Galega de Atletismo.
Entre as mesmas está a aprobación do calendario para os próximos tres meses que recollen toda a actividade de pista cubierta e ruta intentando deste modo garanter a celebración de toda a actividade invernal. Na relación que se trasladou como “avance”, hai recollidas probas combinadas, de marcha en ruta, de lanzamentos, citas en pista cuberta e ao aire libre, ademais de terse en conta as diferentes categorías para que todo atletismo galego poida volver competir.
Para elo programouse “un ambicioso calendario de pista cuberta onde todas as categorías poderán contar cos seus respectivos campionatos oficiais entre os que destacan o galego absoluto que se desenvolverá o 31 de xaneiro en Ourense”, explican desde a federación autonómica.
Campo a través, contra reloxo
O campo a través, “a falta da súa normativa, está contemplado que se organice en formato contra reloxo, sempre e cando as normativas sanitarias así o permitan, o vindeiro día 7 de febrero, sendo o autonómico de marcha en ruta, quen se desenvolva o 30 deste mesmo mes”, informa a FGA.
A maiores aprobouse o Regulamento de Competición onde se recollen, entre outros, a normativa para tomar parte nos distintos campionatos que estarán reducidos a un número máximo de participantes por ránking galego.
Outras das medidas aprobadas foron as de permitir recibir medallas nos Campionatos aos atletas non galega/os de orixe con máis de tres anos de empadronamento ou con ficha por Galicia, así como a de adiantar a data máxima de inscripcións que pasarán dos martes aos luns anteriores a celebración da proba.
