O seleccionador nacional de atletismo José Peiró, deu a coñecer a lista dos 56 atletas (29 mulleres e 27 homes) que tomarán parte no próximo Campionato do mundo de aire libre de atletismo. Na lista non están Belén Toimil, nin Ana Peleteiro, que non alcanzaron as marcas esixidas nas súas respectivas disiciplinas (lanzamento de peso e triplo salto) para concorrer á cita, pero si está a marchadora galega Antía Chamosa.
Nesa relación, o atletismo galego estará representado por un total de tres atletas e unha xuíza quenes viaxarán ata capital húngara de Budapest para tomar parte nesta edición entre os días 19 ao 27 de agosto.
CONVOCATORIA INTERNACIONAL#atletismogalegointernacional
@antichamosa nos 20 Km. marcha, @adryben44 nos 800 m. e @Tarikunovales na proba de maratón ao ¡¡MUNDIAL DE BUDAPEST!!
Moitísimas felicidades aos tres!!!https://t.co/uc7eJol6dP@deporte_galego @UFEDEGA_ pic.twitter.com/Wb6QUSnQRk— Atletismo Galego (@atletismogalego) August 3, 2023
Sen lugar a dúbidas a presencia de Adrián Ben é a que máis expectación xenera. O campión de Europa de pista cuberta, que acaba de proclamarse recentemente campión de España, acude nun excelente estado de forma que farán del un dos homes importantes a ter moi en conta nunha modalidade na que os kenianos parten como favoritos.
Na modalidade dos 20 Km. marcha, a bronce nacional de España e plusmarquista galega neste 2023 Antía Chamosa, novamente estará nunha gran cita internacional. A marchadora da Sociedad Gimnástica de Pontevedra acude á segunda cita máis importante logo, duns Xogos Olímpicos, en continúa progresión e mellora que fan dela un dos activos máis importantes da marcha española. Diante dela estarán as potentes marchadoras sudamericanas e chinesas.
A RFEA contará con Antía Chamosa e María Pérez para disputar os 20km marcha. Esta será a primeira participación da marchadora galega nun Mundial absoluto.
Pola súa banda, Tariku Novales é o terceiro dos representantes do atletismo galego convocado para os mundiais. O de Noia recibía con alegría a súa chamada que representa o seu debut na categoría absoluta na mítica distancia da maratón, así como un forte espaldarazo ao seu traballo logo de pasar por uns anos no que os resultados parecían resistirse.
Lembramos que desde o Campionato do Mundo de Berlín no ano 2009 con Pedro Nimo, ningún outro galego foi internacional absoluto nesta modalidade, segundo lembra a Federación Galega de Atletismo.
Ausencias de galegas destacadas no Mundial de atletismo
Nesa lista de convocados, non estarán este ano por diversos motivos nin a medallista de bronce olímpica en triplo Ana Peleteiro nin a campioa e plusmarquista nacional de peso Belén Toimil.
No caso da riveirense é de sobra ben coñecido o parón que tivo este ano como consecuencia da súa maternidade. Malia elo a súa asombrosa recuperación, levouna ata o título de campioa de España nun axustado concurso, aínda que sen chegar a mínima esixida pola RFEA para estar no Mundial de Budapest.
Caso parecido aconteceu con Belén Toimil, quen logo de encabezar o ranking nacional e de proclamarse campioa de España tampoco contou co beneplácito do selecccionador para estar na cita mundialista. Velaquí a rolda de prensa de José Peiró na que comunicou a lista de deportistas que estarán no Mundial de Budapest:
A lista de atletas españois que estarán en Budapest deuse a coñecer pola RFEA é a seguinte (en negritas os galegos):
Mulleres
- 100M – Jaël-Sakura Bestué
- 200M – Jaël-Sakura Bestué
- 800M – Daniela García, Lorea Ibarzabal e Lorena Martín
- 1500M – Esther Guerrero, Águeda Marqués e Marta Pérez
- Maratón – Marta Galimany, Fátima Ouhaddou e Meritxell Soler
- 3000M OBSTÁCULOS – Irene Sáncchez-Escribano e Marta Serrano
- LONGITUD – Fátima Diame e Tessy Ebosele
- TRIPLE – María Vicente
- 20KM MARCHA – Antía Chamosa e María Pérez
- 35KM MARCHA – Raquel González, Cristina Montesinos e María Pérez
- 4×100 – Jaël-Sakura Bestué, Lucía Carrillo, Paula García, Carmen Marco, Maribel Pérez e Paula Sevilla.
Homes
- 800M – Mohamed Attaoui, Adrián Ben e Saúl Ordóñez.
- 15000M – Mario García Romo, Mohamed Katir e Adel Mechaal
- 5000 – Mohamed Katir, Thierry Ndikumwenayo e Ouassim Oumaiz
- MARATÓN – Ibrahim Chakir, Ayad Lamdassem e Tariku Novales
- 110M VALLAS – Quique Llopis
- 400M VALLAS – Sergio Fernández
- 3000M OBSTÁCULOS – Daniel Arce e Víctor Ruiz
- LONGITUD – Jaime Guerra
- DISCO – Yasiel Sotero
- 20KM MARCHA – Amezcua, Diego García Carrera e Álvaro Martín
- 35KM MARCHA – Miguel Ángel López, Álvaro Martín e Marc Tur
- 4×400 MARCHA – Iñaki Cañal, Bernat Erta, Samuel García, David García Zurita e Óscar Husillos
➡️#EspañaAtletismo road to Budapest:
Medallistas europeos y mundiales, plusmarquistas continentales, españoles e incluso del mundo
Un auténtico E-QUI-PA-ZO
Toda la información https://t.co/OPVzFJGn6q pic.twitter.com/ziYjf6bki2
— atletismoRFEA (@atletismoRFEA) August 3, 2023
