Castellón dará a oportunidade esta fin de semana a un total de quince dos nosos máis talentosos e talentosas lanzadoras das categorías base, a tomar parte no Campionato de España de lanzamentos longos para as categorías Sub-16, Sub-18 e Sub-20
Entre os mesmos atopánse varios dos medallistas estatais nos últimos campionatos que acuden a esta primeira gran competición importante de aire libre da tempada como é o caso da internacional e campioa de España Sub-18 do ano pasado Blanca Pereira do Ourense Atletismo quen esta tempada estrea categoría Sub-20. Mesmo caso é o do campión de España 2022 en xavelina Enzo López do Barbanza que vai estar tomando parte como atleta Sub-18.
📌Relación PROVISIONAL de atletas inscritas e inscritos no Campionato de España de Lanzamentos Longos de Menores que se levará a cabo os días 1 e 2 de abril en Castellón
¡¡¡MOITÍSIMA SORTE!!!💪💪💪https://t.co/6Gloh1KkrI pic.twitter.com/vl2DBsD8aQ— Atletismo Galego (@atletismogalego) March 29, 2023
A subcampiona nacional en xavelina Lara Iglesias do Barbanza intentará estar nos postos de honra na mesma modalidade no seu debut na categoría Sub-18.
O concurso de martelo Sub-16 será unha das probas máis interesantes do campionato grazas a participación das atletas Marta Hermida e a subcampioa nacional Mar Simón, ambas do Celta Atletismo, líderes destacadas do ranking nacional e separadas entre elas por tan só catro centímetros.
Hugo Casañas do Rías Baixas será outro dos atletas importantes. O de Pontevedra xa gañaba o ano pasado o nacional Sub-14, logrando recentemente tanto o subcampionato nacional de pista cuberta como o récord galegos Sub-16 en peso.
A internacional e subcampioa nacional en peso Xiana Lago do Ría Ferrol, estará tamén poñendo a proba a súa preparación tomando parte neste lanzamento longo de disco Sub-20. Na mesma categoría e modalidade o coruñés do Atletismo Sada Nicolás Ortega, intentará repetir o podio que xa conseguira o ano pasado nos nacionais de Torrent.
Por último Antía Otero do Atletismo Narón será outra das atletas que aspiren a reeeditar e mesmo mellorar, o seu terceiro posto do ano pasado no concurso de xavelina Sub-16.
