Na vindeira tmepada o Atletismo Feminino Celta seguirá competindo na Primeira División da Liga Iberdrola de Clubs. As celestes salvaron a categoría na última xornada, na que competiron na fase pola permanencia finalizando na cuarta posición.
As atletas viguesas acadaron dúas primeiras posicións parciais grazas a Mar Chillón, vencedora da proba dos 5.000 metros marcha cunha marca de 26:01.60, e a Uxía Paz, gañadora do triplo salto, cunha marca de 12.22.
O Atletismo Feminino Celta tamén sumou varias pratas, debido ás grandes actuacións de Ainhoa Reparaz nos 100 metros lisos, cunha marca de 12.53, a Andrea Pais, nso 200 metros, acadando os 25.06, a Alicia Merino, segunda clasificada nos 100 metros valos, cun 14.45, Carlota Salgado, prata en altura, cunha marca de 1.66, empatando coa vencedora, María Pena, en lanzamento de xavelina, chegando aos 38.53.
Bronces do Celta
Os bronces foron para Elvira Okutu, na proba de lonxitude, quen chegou ata os 5.24, 1.3 máis que a gañadora, e para Raquel Villa, terceira en lanzamento de peso, cunha marca de 11.56. Nos 4×100 as celestes tamén foron terceiras, cun equipo formado por Alicia Merino, Valeria González, Andrea Pais e Ainhoa Reparaz.
