O pasado sábado e domingo o Campionato de Galicia de Probas Combinadas celebrouse no CGTD de Pontevedra. Nel, o Atletismo Feminino Celta proclamouse campión cun equipo formado por Alicia Merino, Carlota Salgado e Valeria González.
As celestes lograron sumar 11.813 puntos en total. Rozando ás viguesas quedaron as atletas do Atlética Lucense, quenes acadaron 11.656 puntos. Xa en terceira posición quedou o Atlética A Silva, a máis distancia das dúas primeiras, con 8.433 puntos.
Os resultados das deportistas do Atletismo Feminino Celta
Merino puntuou quedando segunda nos 100 mv e repetindo prata en altura, en xavelina de 600g e nos 800 metros. A atleta do Celta quedou primeira en peso de 4 kg, nos 200 metros, en lonxitude. No heptatlón absoluto, dentro do Grupo A, Alicia Merino quedou segunda sumando 4.704 puntos, por detrás de Eva Queimaño, do Super Amara BAT.
Pola súa parte, Carlota Salgado quedou en primeira posición no lanzamento de peso de 3 kg, nos 200 metros. Foi segunda clasificada nos 100 mv, e en lonxitude, así como xavelina de 500 gramos, e nos 800 metros. Ademais, foi terceira en altura. Dentro do Grupo C quedou segunda no heptatlón sub18 de probas combinadas, cunha puntuación de 4.250 puntos, só por debaixo de Lucía Sánchez, do Atlética Lucense.
Tamén dentro do Atletismo Feminino Celta, Valeria González competiu no grupo B sub16, quedando primeira en lonxitude e nos 600 metros, segunda en lanzamento de peso de 3 kg, quinta en altura e sexta en xavelina de 500 g. Na clasificación final do hexatlón foi segunda, sumando 2.859 puntos, por detrás de Marta Lazara, do Atletismo Deza.
Prata para a Atlética Lucense e bronce para A Silva
A segunda posición do podio do Campionato de Galicia de probas combinadas foi para a Escuela Atlética Lucense. Lucía Sánchez, Emma Sihuang e María Bouza competiron coa camiseta lucense, superando os 11.600 puntos.
Lucía Sánchez proclamouse campioa do heptatlón sub18, dentro do grupo C, cunha marca de 4.834 puntos. Pola súa banda, a súa compañeira Emma Sihuang quedou terceira na mesma clasificación, con 3.417 puntos. Finalmente, María Bouza foi terceira no heptatlón absoluto, con 3.405 puntos.
Por parte da Atlética A Silva, bronce nesta competición de probas combinadas, competiron María Aguiar, Alba Lojo e Antía Rey. A primeira delas foi cuarta no grupo C da categoría sub18, a segunda foi quinta no mesmo grupo e Rey foi cuarta no hexatlón sub16 dentro do grupo B.
Nas probas combinadas tamén participaron a Sociedad Gimnástica de Pontevedra, quedando en cuarto lugar con 8.030 puntos, e a Agrupación Viguesa de Atletismo, quinta con 5.821 puntos.
Podes consultar aquí os resultados ao completo:
