A Liga Guerreras Iberdrola está en pausa pero as integrantes do Club Balonmán Atlético Guardés non paran. Varias xogadoras internacionais, así como o técnico Prades, xuntaranse cos seus respectivos equipos estatais para preparar os seguintes encontros.
Por parte das Guerreras, o preparador do Atlético Guardés, José Ignacio Prades, atópase co combinado absoluto que, tras as vitorias contra Eslovaquia en Torrelavega, prepara xa o europeo EHF Euro 2020 que arranca este martes, 1 de decembro. As xogadoras do equipo Senior Feminino Absoluto viaxan xa a Dinamarca para disputar os partidos desta semana contra Rusia e Suecia, do xoves e o sábado respectivamente.
🐱❤️ ¡Mirad quién ha ido a despedir a las #Guerreras🇪🇸! ¡Es LOLA, la mascota del Mundial de España 2021!
🛫 Destino: @EHFEURO, Dinamarca🇩🇰, con @Iberia ¡ALLÁ VAMOS!
#⃣ #ehfeuro2020 #handballispassion pic.twitter.com/8bMU4MbaJ7
— RFEBalonmano (@RFEBalonmano) December 1, 2020
Nas súas filas competirá tamén a galega Alicia Fernández, actual xogadora do Ramnicu Valcea, tras ser convocada por Carlos Viver.
Por parte de Eslovaquia, a central do Guardés, Erika Rajohová acudiu á concentración da súa selección coa que finalmente non pudo competir nos amistosos de Torrelavega por unhas molesitas físicas.
No relativo á concentración española do programa ‘Objetivo 2021‘ da Real Federación Española de Balonmano, as xogadoras reúnense en Torrelavega, entre as que estará Paula Arcos. A concentración durará unha semana con sesión doble diaria de adestramentos.
Ao outro lado do Atlántico, a Confederación Argentina de Handball tamén retoma a súa actividade e reúne as xogadoras que disputan competicións europeas. Entre elas está a porteira Marisol Carratú, que adestrara co seu equipo nacional do 1 ao 17 de decembro, na preparación para o preolímpico de 2021.
