O Atlético Arousana anuncia as incorporacións de dúas xogadoras que veñen de integrarse na súa disciplina procedentes do EFM Boiro. Trátase de Eva Regueira e Melanie García.
Aproveitando que a Primeira Autonómica, onde milita o Boiro, aínda non comezou debido á situación de pandemia, fixéronse realidade estes anhelados fichaxes que xa se intentaran en tempadas pasadas.
Eva chega para aportar solvencia, traballo e experiencia tanto no mediocampo como na posición de central. Melanie, pola súa banda, aportará presencia ofensiva e dará á plantilla arousana unha xogadora diferente que ten a portería sempre presente, dando boa conta de esto o promedio goleador que adoita a ter acostumada á parroquia da afección do Boiro.
Desde o club queren agradecer tamén o EFM Boiro o seu trato e disposición á hora de realizar as súas fichaxes.
A través destes reforzos, o club arousán tentará escalar postos na clasificación da Primeira División Nacional e deixar atrás a racha de derrotas. Con dous puntos, obtidos por dous empates, contra a UD Mos e o CD Valladares, o equipo ocupa a antepenúltima posición da táboa.
