O pasado 27 de febreiro, Pontevedra acolleu o Campionato de Galicia de Lanzamentos Longos nas categorías sub16 e sub18.
Nel máis dunha decena de clubs con atletas galegas competirón nas diferentes categorías e niveis. As probas dividíronse en tres: lanzamento de disco, de martelo e de xavelina.
O gran gañador foi o Atlética A Silva, que acadou tres medallas en distintas probas de atletismo. Aínda así, todas estiveron moi competidas e repartidas, acadando tamén bos resultados as atletas do Club Atletismo Narón ou o SG Pontevedra.
Os resultados na proba de lanzamento de disco
A proba de lanzamento de disco, divida en categorías sub16 e sub18, tivo unha gañadora clara na primeira delas.
Gema Dacosta, do Atl. Vila de Cangas, foi a campioa cunha marca de 29.93 metros. Máis de cinco metros por detrás quedou Erika Fernández, do Club Atletismo Narón, con 24 metros.
Xa no terceiro posto e rozando a prata estivo Candela Iglesias, do Atlética A Silva, cunha distancia de 23.66 metros. Finalmente, Paloma Puig, da SG Pontevedra e Uxía Franco, do CS CR Beade, quedaron en cuarto e quinto posto respectivamente.
En sub18 a competición estivo máis igualada. O ouro foi para Blanca Pereira, do Ourense Atletismo, cunha marca de 31.62 metros. Seguiuna de preto Elena Garnelo, do SG Pontevedra, con 30.25. Algo máis descolgada, pero aínda no podio, quedou Sara Castelo, do CA Santiago, cos seus 28.54 metros.
No cuarto lugar quedou Alicia García, do Lucus Caixa Rural Galega, e no quinto Candela Fernández, do mesmo equipo.
A clasificación no lanzamento de martelo
As probas de lanzamento de martelo foron de 3 quilos e seguiron as categorías de sub16 e sub18. Na primeira delas o ouro decidiuse por algo máis dun metro. Erika Fernández foi campioa nesta ocasión, quedando por diante de Andrea Orjales, do Atlética A Silva.
Pechando o podio quedou Dalia López, tamén do Atlética A Silva, cunha marca de 23.95 m. Xa en cuarto e quinto lugar quedaron as atletas do AVA Andrea Iglesias e Enma Quintas.
Na competición sub18, a campioa foi Marta Neira, do AVA, cunha marca de 57.98 metros. Na posición de prata quedaría Blanca Pereira, cos seus 54.69 metros e como terceira quedou Eva Santos, do Club Atletismo Sada.
Pecharon a clasificación Blanca Méndez e Nuria Blanco, ambas do Club Atletismo Narón, como cuarta e quinta respectivamente.
Así quedaron as atletas no lanzamento de xavelina
Xa no concurso de xavelina, a competición tamén se desenvolveu en sub16 e sub18. No primeiro deles Lara Iglesias, do Samertolameu, foi a clara campioa, chegando aos 31.01 metros. Na segunda posición quedou Xiana Ulloa, do Lucus, cos seus 23.91 metros e o bronce foi para Laura Souto, do Celta Atletismo, con 20.03 metros.
No cuarto lugar quedaría Andrea Iglesias, seguida da súa compañeira Lucía Domínguez.
En sub18 o podio estivo máis competido. Laura Rico, do Ría Ferrol, logrou o ouro por pouco, cos seus 32.28 metros. Elena Garnelo foi a súa sombra, quedando segunda cos 31.57 metros.
Como terceira estivo Alicia Soto, do ADAS Proinor, chegando aos 26.16 metros. O cuarto posto foi para Nerea Freire, do Club Atletismo Narón, e no quinto quedou Andrea Nogareda, do Atlética A Silva.
