A complicada situación sanitaria limita as posibilidades de asistir como público aos encontros deportivos. No caso das citas disputadas no feudo do CB Arxil, o aforo se atopa limitado a 30 persoas. Por este motivo, a directiva do club pontevedrés, fará un sorteo entre as persoas aboadas para poder acudir ao encontro da décima xornada, que se disputará contra o HGB Ausarta Barakaldo, ás 19:30 horas.
Por segunda vez esta tempada, se fará este sorteo, cuxo resultado se comunicará a través de redes sociais, email ou Whatsapp. As afeccionadas que estean interesadas en acudir como público deberán inscribirse no correo cbarxil@hotmail.com ou mandar unha mensaxe ao Whatsapp do número 627 15 38 49, ata o próximo venres, 20 de novembro, ás 16:00 horas.
Debido ao peche perimetral decretado por Sanidade, soamente poderán acudir a Pontevedra as persoas que residan en Vilaboa, Ponte Caldelas, Barro, Cerdedo-Cotobade, Soutomaior, Campo Lameiro, Poio, Marín ou Pontevedra.
Con todo, o duelo de Liga Feminina 2 que enfronta ao Arxil e ao Barkaldo retransmitirase como de costume polo Canal FEB. As galegas precisan sumar dous puntos, tras a derrota da xornada anterior, que as deixa na parte inferior da táboa clasificatoria.