Co obxectivo da permanencia na LF2 acadado, o CB Arxil afronta o último partido da tempada en casa e a salvo. As verdes reciben a un rival forte, o Osés Construcción Ardoi, este sábado, 27 de marzo, ás 19:00 horas.
O Ardoi viaxa a Pontevedra na segunda posición, con 20 vitorias de 25 partidos, mentres que o Arxil de Maite Méndez ocupa a décima posición con só oito trunfos.
O vencedor asegurará a súa praza
Este será un encontro intrascendente no futuro do equipo galego, xa que non hai nada en xogo, máis aló de rematar o curso con boas sensacións. Non chega tan tranquilas as navarras, que precisan gañar para asegurar a segunda praza ante o Celta Zorka Recalvi. Porén, se o Arxil decántase vencedor, afianzará o seu décimo posto.
No duelo da primeira volta, os dous puntos foron para as navarras, pero cun axustado resultado dun 75-72. Así, deste reencontro esperase un partido disputado e moi competido, no que as galegas poden dar a sorpresa e despedir o curso cun trunfo.
Os nomes propios do partido
Nas filas locais, a adestradora Maite Méndez non poderá dispoñer de todas as súas xogadoras. Lago seguirá de baixa, tras perderse xa o encontro ante o Magec Tías. Quenes si entran na convocatoria son Cristina, Carla Natalia, Noelia, Forster, Sara, Cristina, Samra, Aldara, Noa, Margarita e Violeta.
No bando rival, previsiblemente seguirán sen competir Gastaminza e Ayela, dúas pezas importantes no equipo pero non imprescindibles. O Ardoi foi capaz de vencer nos seus últimos partidos, excepto ante o BAXI Ferrol, quen gañou de catro puntos.
Entre as xogadoras máis destacadas do cadro de José Javier ‘Jotas’ Unzué están as bases Itziar Arregui e Eva Cases, a escolta excéltica Tamara Montero, a aleto portuguesa Josephine Filipe e a pívot argentina Diana Cabrera.
Ata 60 espectadores poderán estar no CGTD para ver ao Arxil
Por primeira vez nesta tempada, o conxunto pontevedrés terá o apoio o seu público na bancada. Seguindo as normativas impostas pola Xunta de Galicia, ata 60 persoas poderán acceder ao recinto do CGTD para animar ao Arxil.
👉⛹️♀️ Esta fin de semana o noso senior de LF2 despide a tempada e haberá sorpresas no CGTD.
📅 Sábado 27/03
⏰19:00 h
📍 @cgtd_pontevedra
🆚 @FNBardoi
📺https://t.co/Y9K1CK6nAR#FAMILIAVERDE #estaestugrada #somosclube #FGB #LF2 #COMPETICIONESFEB pic.twitter.com/DVLW2mmn3S— CB Arxil (@ArxilCb) March 25, 2021
