Na vindeira campaña, o CB Arxil competirá na Liga Feminina 2 (LF2), a que será a terceira categoría do baloncesto español. Para esta tempada, o club pontevedrés realiza varios cambios no plantel, pero mantendo a Maite Méndez como adestradora.
A falta de confirmación definitiva, todo apunta que no banco do Arxil, as xogadoras seguirán baixo o mando de Maite Méndez. Segundo apunta o propio club, as fichaxes serán xogadoras con moita proxección e ganas, un “impulso dun proxecto deportivo que quere seguir progresando”.
Novidades no Arxil
Entre ditas novidades, haberá catro caras novas, algunhas delas confirmadas e outras pendentes de concluír as negociacións.
Por outra banda, outras tres baloncestistas (María Lago, Carla Fernández e Cristina Díaz Pache) teñen practicamente asegurada a renovación na disciplina pontevedresa.
Respecto á canteira, as xogadoras Margarita Moreira, Aldara Vázquez, Noa Casalderrey e Violeta Crespo que esta pasada tempada alternaron a Primera Nacional Femenina e a LF2, poderán pasar ao plantel do primeiro equipo. Adriana Aparicio é outro nome que soa para o vestiario do Arxil.
Dentro do grupo de xogadoras que se moverán entre os dous equipos, entran tamén Mariña Vázquez, Sandra Crabelos ou Arantxa Fernández.
