O CB Arxil impuxose por un rotundo 62-38 ao conxunto vilagarcián na Copa de Galicia. As arxilistas, cun gran primeiro cuarto (22-6), sentenciaron o partido ante o Cortegada.
As pontevedresas desde o asubío inicial estiveron moi concentradas en defensa e acertadas en ataque que o seu rival provocando até sete perdas do conxunto vilagarcián.
As xogadoras da AD Cortegada non se atoparon cómodas en ningún momento cómodas no parqué do CGTD, e a defensa das pontevedresas provocaba perdas de balón e sobre todo tiros en malas posicións. As rotacións no CB Arxil fixeron que as locais non baixasen o seu ritmo. Con iso, impedían que as visitantes tivesen opcións de entrar no encontro (32-18).
As de verde, sen facer un bo partido, conseguiu manter a vantaxe e mesmo acrecentala na segunda metade con 16-10 e 14-10.
A máxima anotadora do conxunto pontevedrés foi María Lago con 11 puntos, segunda de Cristina Díaz con 10. O resultado final apunta ao dominio local: 62-38.
A nota positiva foi a implicacion de todo o equipo e que Natalia López xogou 10 minutos despois dunha longa tempada apartada das pistas pola súa grave lesión. Non xogou Violeta pos precaución por unhas molestias.
Unha victoria e unha derrota para o Arxil na Copa Galicia
Tras dous partidos disputados desta Copa Galicia, CB Arxil mantense en boa liña e suma na competición autonómica unha derrota en Vigo ante o Celta por cinco puntos e unha vitoria por 24 puntos ante o AD Cortegada. A próxima cita o vindeiro sábado ás 19,30 h ante o CGTD ante o BAXI Ferrol.
Outra boa noticia foi a volta do púbico á cancha do CGTD cumprindo todos os requisitos anti COVID con asentos numerados, distancia de seguridade e máscara. Desde o CB Arxil danlle “un 10 para a afección verde”.
