Xa é oficial: o CB Arxil seguirá un ano máis na segunda mellor categoría do baloncesto español. As pontevedresas asinaron un trunfo importantísimo ante a ADBA (Agrupación Deportiva Baloncesto Avilés), cun 40-58 final, que certifica a salvación das galegas e o descenso das asturianas.
Cun primer cuarto potente, as verdes de Maite Méndez manteñen o seu posto na LF2. O acerto anotador excepcional dos primeiros minutos de partido e o dominio nos rebotes defensivos e nos robos de balón permitiu ás pontevedresas xogar cómodas un encontro fundamental nesta tempada.
O Arxil noqueou á ADBA
No que probablemente era o partido máis importante para o futuro do CB Arxil, as súas xogadoras saltaron á pista asturianas concentradas e conscientes do que había en xogo. Quizais por iso, as galegas asinaron un dos mellores inicios de partido deste presente curso, o que determinou xa o curso do resto do duelo.
Cun parcial 0-7 comezaba o encontro entre asturianas e galegas, coas de Maite Méndez marcando o ritmo. Forster xogaba intensa en defensa, dominando os rebotes rivais, mentres que en ataque o equipo destacaba encontrando ocos no conxunto rival. Así e co acerto desde a liña de tres, as pontevedresas aumentaban a distancia respecto ás locais.
Co 4-17, o adestrador da Agrupación Deportiva Baloncesto Avilés (ADBA), Sergio Cubeiro, viuse obrigado a solicitar un tempo morto, pero as súas indicacións non cambiaron o resultado no terreo de xogo. Cun parcial 0-8, o marcador informaba xa dun 4-25, motra da superioridade visitante. Finalmente, este exemplar primeiro cuarto rematou cun 8-30 a favor das galegas.
Igualdade no resto do partido
No segundo cuarto, coa Agrupación Deportiva Baloncesto Avilés motivada ao verse por debaixo e co CB Arxil confiado na súa vantaxe, o marcador estivo máis igualado.
O cadro local aproveitaba á poste Artemis Barbosa para sumar, mentres que as de Méndez defendían con claridade e eran solventes en ataque. Malia o mellorado xogo asturiano, o CB Arxil mantívose á cabeza, chegando ao descanso cunha vantaxe de 23 puntos (20-43).
Despois do paso por vestiarios, as verdes acusaban o esforzo realizado na primeira parte e os erros acumulábanse. A efectividade anotadora do primeiro tempo desapareceu nos cinco minutos posteriores á pausa, nos que o cadro galego só foi quen de sumar tres puntos.
Porén, unha férrea defensa mantiva ao rival a raia, permitindo a tranquilidade de chegar ao cuarto final cunha vantaxe clara (33-54).
No cuarto final, os acertos baixo o aro brillaron pola súa ausencia en ambos bandos. A tres minutos do final, ningún dos dous equipos conseguía encadear canastras, anotando só unha cada un. Así, este cuarto finalizou cun 7-4 que con todo, mantivo a vitoria visitante por un 40-58 final.
O Club Baloncesto Arxil será un ano máis equipo de Liga Feminina 2. Revive aquí a vitoria que lle deu a permanencia ás xogadoras verdes.
A galería fotográfica do ADBA – CB Arxil
1. ADBA vs Arxil / ADBA TW
ADBA vs Arxil / ADBA TW
2. ADBA vs Arxil / ADBA TW
ADBA vs Arxil / ADBA TW
3. ADBA vs Arxil / ADBA TW
ADBA vs Arxil / ADBA TW
4. ADBA vs Arxil / ADBA TW
ADBA vs Arxil / ADBA TW
5. ADBA vs Arxil / ADBA TW
ADBA vs Arxil / ADBA TW
6. ADBA vs Arxil / ADBA TW
ADBA vs Arxil / ADBA TW
7. ADBA vs Arxil / ADBA TW
ADBA vs Arxil / ADBA TW
8. ADBA vs Arxil / ADBA TW
ADBA vs Arxil / ADBA TW
9. ADBA vs Arxil / ADBA TW
ADBA vs Arxil / ADBA TW
10. ADBA vs Arxil / ADBA TW
ADBA vs Arxil / ADBA TW
11. ADBA vs Arxil / ADBA TW
ADBA vs Arxil / ADBA TW
FICHA TÉCNICA
40) AGRUPACIÓN DEPORTIVA BALONCESTO AVILÉS (ADBA): Barbosa (5), De Sousa (8), Fraile (11), Martínez (-), López (4) – quinteto inicial -. Tamén xogaron: Montalbán (-), Guimaraes (10), López Cuesta (-), Dias (2), Velasco (-).
58) CB ARXIL: Carla Fernández (12), Noelia Masia (11), Cristina Díaz (4), Heather Forster (16), Natalia López (8) – quinteto inicial -. Tamén xogaron: Violeta Crespo (-), Aldara Vázquez (-), Samra Omerbasic (1), Margarita Moreira (1) e Sara Castro (5).
PARCIAIS: 8-30, 12-13, 13-11 e 7-4
ÁRBITROS: Colexiados Pérez Martínez e González Fernández.
INCIDENCIAS: Partido correspondente á 25ª xornada da Liga Feminina 2 disputado no Complejo Deportivo Avilés (Asturias).
