A Liga Feminina 2 chega á súa 23ª xornada e con ela o CB Arxil visita ao HGB Ausarta Barakaldo. A cita será este domingo, 7 de marzo, ás 12:30 horas.
A falta de catro partidos para o final, as verdes están a tres vitorias do posto de descenso, empatadas a puntos co Maristas Coruña.
O trunfo acadado a semana pasada cheou de confianza e ilusión a un Arxil que xa se imaxina unha tempada máis como equipo de LF2. Tanto o encontro ante o Azpeitia como o disputado co Adareva levaron ao límite ás xogadoras dirixidas por Maite Méndez, pero a permanencia é case unha realidade.
Así é o rival do Arxil
Porén, o nivel de igualdade na zona baixa da clasificación é máximo, e as galegas non poden permitirse perder ante o Barakaldo. Este é un conxunto que na súa segunda tempada na segunda categoría leva unha traxectoria tranquila, con 10 vitorias e 12 derrotas que o sitúa na oitava posición.
Para este novo curso o equipo reconfigurouse, mantendo só a Beatriz Torres e Bintou Lo. Nas súas renovadas filas destacan a base Laura Chaurour, con máis de 100 vitorias en LF2, E Ijeomae Uchendu, cercana ás dobres figuras nos seus números.
Tamén sobresaen a sueca Emma Karamovic, quen aporta versatilidade ao xogo vasco, e Alexis Lewis, cun rendemento algo máis discreto. Antes do encontro desta 23ª xornada, o Barakaldo xoga a 24ª co Cortegada.
Para o duelo coas vascas o Arxil non poderá contar coa súa capitá, María Lago, que segue de baixa. Tampouco se desprazan Aldara, Violeta nin Noa, que teñen compromiso co Arxil Mafari Café.
