Catro derrotas nas últimas catro xornadas da Liga Feminina 2 son os números aos que ten que facer fronte o CB Arxil. Soamente a vitoria no partido adiado contra o Ulla Oil Rosalía foi un oasis entre os partidos perdidos. O último deles, contra o Azkoitia Azpeitia ISB, por un 75-61.
Os erros fronte á canastra, cunha efectividade de só un 36%, castigaron duramente ao Arxil, nunha pista onde nunca coñeceron a vitoria e na que precisaban rematar coa súa mala racha.
O primeiro cuarto estivo claramente dominado polo conxunto local, que logrou case dobrar a puntuación das visitantes, chegando ao 23-12 á fin do primeiro tempo. No segundo parcial, as xogadoras dirixidas por Maite Méndez subiron o ritmo, e lograron levarse un cuarto que non lles daba a vitoria ao descanso, cun 43-34.
Tras o parón, o Azpeitia volveu saír forte e asinou un 18-13 ao seu favor que aumentaba a distancia no marcador. Os esforzos das verdes, que lograron empatar o último tempo, non foron suficientes para lograr a vitoria, cun 75-61 final.
Agora ata os dous únicos equipos aos que logrou vencer (o Rosalía e o Maristas) están a facer un mellor xogo que as pontevedresas. O Arxil deberá tentar saír da parte baixa ante o Barakaldo, no partido da próxima xornada, o sábado, 5 de decembro, ás 19:30 horas.
FICHA TÉCNICA
75) AZKOITIA AZPEITIA ISB: Sara Iparragirre (6), Saioa Altzaga (6), Alazne Lizundia (7), Marguerite Effa (17), Morgan Green (17) -cinco inicial-. Tamén xogaron: Ainhora Aranbarri (-), Maria Otaegi (3), Intza Lizarazu (10), Paula Sanjuan (3) e Desiree Primm (6).
61) CB ARXIL: Carla Fernández (2), Noelía Masía (20), M. Lago (12), Heather Forster (6), Bineta Ndoye (4) -cinco inicial-. Tamén xogaron: Cristina Díaz (-), Margarita Moreira (2), Natalia López (-) e Sara Castro (15).
PARCIAIS: 23-12, 20-22, 18-13 e 14-14.
ÁRBITROS: Imanol Díaz e Pablo Mirantes.
INCIDENCIAS: Partido correspondente á novena xornada da Liga Feminina 2 disputado no polideportivo de Azkoitia (Guipúzcoa).
