O Atlético Arousana suma e sigue. Tras pechar a renovación a principios desta semana do dúo no corpo técnico conformado por Moncho e Nando e as xogadoras Carla Moital e Anita González, o conxunto de Vilargarcía anunciou a continuidade de dúas xogadoras de peso para o club. Bárbara Sierra e Bárbara Caamaño.
Estas renovacións apuntalan o equipo galego de cara a vindeira tempada que continuará disputando e competindo na Primeira División Nacional.
Desde o club quixeron agradecer ás dúas xogadoras o compromiso demostrado e a ilusión por vestir a elástica amarela outro ano máis. En relación a Sierra, destacaron o ADN arousán: “Seguimos anunciando renovacións. Neste caso Barbara Sierra, unha das capitás e ADN do equipo que representa os nosos valores: sacrificio, compromiso e traballo”.
En referencia a Caamaño, tamén tiveron unhas palabras desde o club para agradecer a renovación e a entrega da xogadora galega: “Será a segunda tempada de Bárbara Caamaño no equipo e estamos encantadas coa súa adaptación e traballo demostrado neste tempo. Ambas son dúas xogadoras importantes e alegrámonos moito de que sigan con nós. Seguimos traballando para anunciar mais novidades pronto”, anuncian desde o club, polo que nas vindeiras semanas se esperan máis renovacións ou fichaxes.
