Nova xornada e nova oportunidade para as loitadoras do CV Arenal Emevé de medrar na Liga Iberdrola e deixar atrás a parte baixa da clasificación. As lucenses veñen de perder a súa racha de dúas vitorias no último partido contra o Feel Volley Alcobendas e buscará volver sumar puntos fronte ao campión da competición do 2018-2019, o CV Kiele. O partido disputarase no pavillón Gran Gaby, en Ciudad Real, o sábado 28, ás 18:00 horas.
Malia que a sorte quedou fronte ao Alcobendas, as loitadoras buscarán recuperar as boas sensacións e o bo xogo que xa situou a algunhas das xogadoras entre as mellores da sétima, oitava e novena xornada.
As Estrellas nas que confía o Emevé
No partido correspondente á primeira vitoria do Arenal Emevé, na sétima xornada, dúas xogadoras, unha nova e unha veterana, entraron no top da Liga. Trátase de Cassandra Leann Bujan, considerada a segunda mellor líbero, e Lucía Prol, a terceira mellor atacante e anotadora, que formou parte do septeto da xornada.
Na oitava, foi o turno de brillar como Estrella de la Liga de Carolina Camino. Considerada a MVP da xornada, a receptora lucense destacou na súa actuación no encontro contra o Cartagena. Na mesma cita, Inmaculada Lavado tamén logrou situarse entre as Estrellas, sendo a segunda mellor sacadora da xornada.
Na última, malia a derrota, Lucía Prol destacou como mellor receptora, cun acerto do 86% e como segunda máxima anotadora da competición, ao puntuar 24 tantos para o seu equipo. Foi ademais a segunda mellor atacante.
Uns números que non se corresponden coa clasificación. Con seis puntos, as lucenses son antepenúltimas despois de puntuar soamente en tres dos partidos disputados.
As loitadoras poden frear os soños de Copa do Kiele
Enfronte un rival que loitará por ter opcións para disputar a Copa da Raíña. Tras obter un punto no seu anterior encontro contra o IBSA CV CCO 7 Palmas, as manchegas precisan unha vitoria para entrar na clasificación matemática do torneo.
Despois de dúas partidas lonxe de casa sen puntuar, o Kiele logrou rascar un punto que as achega ás posibilidades de xogar a Copa. Se as xogadoras dirixidas por Chema Rodríguez impóñense ao Emevé, quedarían dentro dos seis primeros equipos, así que se a Copa celébrase na sede do IBSA poderían disputar a competición.
Porén, se a sede é a do Madrid Chamberí, actualmente penúltimo, este entraría na fase final e quedaría fóra o sexto clasificado, deixando esta loita para o Kiele e o Haro.
