O cadro do Viaxes Amarelle afronta esta fin de semana a última xornada da primeira volta da segunda fase da competición na Primeira División Feminina do fútbol sala. Este sábado, 24 de abril, as coruñesas visitarán a cancha dun rival directo, o Intersala Promesas Zaragoza, desde as 19:30 horas no pavillón de La Granja.
O rival para as herculinas nesta quinta xornada da competición da RFEF ven de puntuar nas súas dúas últimas xornadas. Da mesma forma que o Viaxes Amarelle, o Intersala Promesas é un equipo recentemente ascendido e este ano afronta o seu debut na máxima categoría.
O Intersala Promesas ven dunha traxectoria ascendente
Actualmente, con 28 goles a favor e 82 en contra, o conxunto maño ocupa a oitava posición do grupo D da Primeira División. De 19 encontros, só foron quen de vencer en dúas ocasións, e suman dous empates e 13 derrotas. Desta forma, teñen un total de 10 puntos e un coeficiente do 0,526.
Porén, a clasificación engana, xa que o Intersala Promesas ven de puntuar en dous partidos importantísimos, ante dous rivais directos: o Cidade de As Burgas, cun 0-0, e o Gran Canaria FSF Teldeportivo, vencendo a domicilio 1-2.
¡BUENOS DÍAS INTERSALISTAS! 🤩➕3️⃣ pic.twitter.com/ZaaFQufUfb
— InterSala Promesas (@SalaInter) April 18, 2021
Sen dúbida, as mañas intentarán aproveitar a dinámica positiva para sumar tres puntos e engancharse á ilusión da permanencia. Ademais, aínda teñen pendente disputar a primeira xornada, polo duelo adiado co Penya Esplugues.
O Amarelle viaxa con todo o plantel dispoñible, excepto Martita
O equipo coruñés, dirixido por Jorge Basanta, realizou a última sesión de adestramento o xoves para viaxar o venres. O Amarelle está nunha dinámica moi positiva de xogo, onde a segunda fase conseguiu sumar 4 dos 9 puntos posibles, cedendo só unha derrota.
Agora, o duelo ante o Intersala Promesas chega como un punto clave para o futuro das herculinas, e alonxarse cunha vitoria dos postos de descenso directo.
Jorge Basanta, técnico das coruñesas, terá dispoñible para este encontro a todas as súas xogadoras. A única excepción é Martita, que continúa o proceso de recuperación da operación do ligamento cruzado anterior á que foi sometida mediada a tempada.
Esta é a convocatoria do Viaxes Amarelle FSF para esta cita en teras mañas:
- Leti Rojo
- Sandra Rodríguez
- Tami Gándara
- Candela Soria
- Patri Romaní
- Cris Lourés
- Sofía
- Patri Corral
- Yaiza
- María Gómez
- Anna Escribano
- Lau Doce
- Tana
Malia a lista de convocadas, a gardameta Leti Rojo é aínda dúbida xa que está entre algodóns. A porteira do club coruñés sufriu molestias nunha perna nas sesións de adestramento semanais e as sensacións que teña o sábado serán definitorias sobre a súa participación final.
O partido retransmitirase vía streaming no Youtube do Intersala Promesas.
