Viaxes Amarelle e Rayo Majadahonda volven a verse as caras. Unha semana despois da recuperación da primeira xornada, da comezo a segunda volta, enfrontando a galegas e madrileñas. A cita terá ligar no pavillón municipal da Sagrada Familia, en A Coruña, este sábado, 8 de maio, ás 18:00 horas.
Este será un duelo clave para o plantel dirixido por Jorge Basanta, que está no limbo da salvación en Primeira División, e recibe en casa a un rival directo. Co primeiro enfrontamento igualado aínda fresco na retina, Amarelle e Rayo Majadahonda darano todo na pista.
Tres puntos de ouro para o Viaxes Amarelle ante o Rayo Majadahonda AFAR 4 FSF
Man a man entre o Amarelle e o Rayo Majadahonda
Este sábado, as herculinas tratarán de volver a sumar contra un adversario directo, mentres que o equipo majariego buscará o desquite e poder volver a sumar puntos para manter a súa posición na táboa.
Actualmente, o Rayo Majadahonda ocupa a cuarta posición no grupo polo descenso, con 6 vitorias, un empate e 12 derrotas. No apartado goleador teñen 45 goles a favor e 54 en contra. Con 19 puntos no casilleiro en 19 encontros disputados, as madrileñas teñen un coeficiente de 1,000.
O rival do Amarelle para esta xornada afrontaba o inicio da segunda fase cunha vantaxe de cinco puntos cos postos de disputa do play off pola permanencia. Desta forma, unha nova derrota nesta xornada podería metelo provisionalmente neses postos, en favor das galegas que pasarían a postos de permanencia. Porén, o Rayo Majadahonda ten pendente aínda recuperar o duelo adiado co Gran Canaria FSF Teldeportivo.
Así preparan as coruñesas o comezo da segunda volta
Pola súa banda, o conxunto de Basanta retomou os adestramentos o luns, despois do encontro do pasado sábado. As futbolistas realizaron as sesións de traballo centradas en mellorar cara o novo enfrontamento desta xornada.
Neste momento, o Viaxes Amarelle acumula tres partidos consecutivos sen coñecer a derrota, cun balance de dúas vitorias e un empate, polo que igualan a puntos ao conxunto majariego.
Os esforzos coruñeses centraranse en controlar o potencial ofensivo do rival, como xa fixeron na pasada semana usando unha gran defensa.
A convocatoria de Basanta
Para este partido, o Amarelle viaxará con todo o plantel dispoñible, a excepción de Martita, que segue a recuperarse da operacióndo ligamento cruzado anterior o pasado mes de xaneiro.
Para este encontro, Jorge Basanta convocou a:
- Leti Rojo
- Sandra Rodríguez
- Tami Gándara
- Candela Soria
- Patri Romaní
- Cris Lourés
- Sofía
- Patri Corral
- Yaiza
- María Gómez
- Anna Escribano
- Lau Doce
- Tana
Con todo, a xogadora arxentina sufriu molestias ao longo da semana e dependerá das sensacións o mesmo día do partido para ver se finalmente competirá ou non.