As opcións da permanencia complícanse para o Viaxes Amarelle. As coruñesas tiñan unha oportunidade de ouro na recuperación da sétima xornada ante o Sala Zaragoza, pero caeron derrotadas por un 3-0.
Este era o primeiro partido das mañas tras o seu confinamento, polo que saíron cunha motivación extra á súa pista. As coruñesas pouco puideron facer, vendo como o equipo local aumentaba a súa renda co paso dos minutos á vez que a posibilidade de salvarse directamente desaparecía. Agora, as de Jorge Basanta deberán afianzar a súa presenza na Primera División no play out.
O Sala Zaragoza sálvase a costa do Amarelle
Co partido recuperado da sétima xornada o Sala Zaragoza obtivo tres puntos que lle valen a salvación directa na máxima categoría. No extremo contrario, as galegas do Amarelle deberán seguir loitando pola permanencia.
O encontro foi moi parello no seu desenvolvemento nun primeiro acto con opcións para os dous equipos. Na parte final da primeira metade, os goles locais sentenciaron un encontro vital. O tanto de Carmen e logo de Patri Corral en propia porta marcaban o rumbo do duelo.
Na segunda parte, o conxunto coruñés intentou apretar para loitar polo resultado, pero a falta de acerto na finalización impediu que as galegas marcasen, achegándose ao rival.
A falta de sete minutos para o pitido final, Rapha Martins en xogada persoal anotaba o 3-0, obrigando ao Amarelle a optar polo xogo de cinco. Porén, o club local foi quen de aguantar os ataques herculinos, que non chegaron a subir ao marcador.
⚽️🧡 SEGUIR CREYENDO ‼
El @amarellefsf cedió una derrota por 3-0 en casa de @SalaZaragoza.
Este resultado impide la salvación directa, pero los resultados de la jornada también hacen eludir a las herculinas el descenso directo.
Tocará jugársela en el play out #vamosNaranjas pic.twitter.com/7ZdlSRQr89
— Viaxes Amarelle FSF (@amarellefsf) May 29, 2021
FICHA TÉCNICA
SALA ZARAGOZA: Suzan; Rapha Martins, Carmen Alonso, Sara González y Laura Boix -quinteto inicial-. Tamén xogaron, Sara Gonzalez, Paola, Rafinha, Livia e María Moreno.
VIAXES AMARELLE: Leti Rojo; Patri Romaní, Lau Doce, María Gómez y Tana -quinteto inicial. Tamén xogaron, Patri Corral, Yaiza e Sofi.
GOLES: 1-0, min. 20 Carmen; 2-0, min. 20 Patri Corral (propia porta); 3-0, min. 33 Rapha.
ARBITRAXE: Recibiu cartón amarela Sara do Sala Zaragoza.
INCIDENCIAS: Partido correspondente á sétima xornada da segunda fase da Primera División, que tivo que ser adiado por casos COVID no equipo maño. Foi disputado no pavillón Siglo XXI.
