O Porriño perde a súa racha de vitorias fronte a un Adesal Córdoba que chegaba ao encontro como colista, pero logrou nesta xornada os seus primeiros dous puntos.
O encontro, enmarcado na sexta xornada da Liga Guerreras Iberdrola, comezou moi igualado, pero un tanto por parte de Agustina López para o Adesal Córdoba abriu o marcador e marcou o ritmo do partido, liderado polas andaluzas. Pola súa banda, o Conservas Orbe Rubensa BM Porriño tentou adiantarse no marcador en varias ocasións, con chegadas á meta contraria pero sen sorte para marcar gol.
A forte defensa do conxunto cordobés e a destacada actuación da súa porteira, Alba González, puxérolles as cousas aínda máis difíciles ás galegas, polo que a un par de minutos para o descanso, as xogadoras do Adesal Córdoba ían gañando ás de Ismael Martínez 13-10.
O Porriño chega pero non anota
Na segunda metade, as cordobesas seguían impoñéndose ao Porriño, un equipo bloqueado en ataque e defensa e duramente castigado pola boa actuación da rival Gleinys Reyes, máxima goleadora do encontro con oito tantos. Nos últimos minutos de partido as xogadoras do Porriño tentaron rascar algún punto, pero sen éxito.
O partido finalizou cun 28-23 a favor das locais, que estréanse así na máxima categoría do balonmán feminino, mentres que o Porriño mantense na quinta posición da clasificación con 5 puntos.
FICHA TÉCNICA
28) ADESAL CÓRDOBA: Alba González, Asunción Batista (1), Irene García, Camila Bonazzola (2), Malena Guerisoli (5), Gleinys Reyes (8), Amanda Valero, Estefanía Monros, Lucía Vacas (4), Agustina López (5), Arabia Peña, Maura Álvarez, Ángeles Ruíz, Aroa Montoro y Andrea Roda (3).
23) CONSERVAS ORBE RUBENSA BM PORRIÑO: Ana Cerqueira, Alicia Campo (1), Erica Tavares (2), Inés Hernández (2), Soraia Lopes (3), Aitana Santomé (3), Arima López (1), Anthía Espiñeira (4), Sarai Samartín (2), Mónica Soares (4), Sandra Fernández (1), Fátima Ayelén y Estela Carrera.
RESULTADO CADA 5 MIN.: 2-1, 4-2, 7-3, 9-6, 11-9, 16-11, (descanso), 18-13, 21-14, 23-14, 23-16, 26-21, 28-23 (final).
ÁRBITRA: Sebastián Fernández e Alberto Murillo.
INICIDENCIAS: Partido correspondente á 6ª xornada da Liga Guerreras Iberdrola disputado no IDM Fuentesanta.
