O Aceites Abril disputaba esta fin de semana dúas xornadas da Primeira División de voleibol. O sábado recibía no Pompeo ao Universidad de Valladolid e o domingo ao Feel Volley Alcobendas. Caeu nas dúas citas con resultados distintos: no primeiro un 0 a 3 e no segundo un 2 a 3. Pola súa contra, o CV Bruxas tamén caeu na casa ante o Alcobendas (2-3)
O Universidad de León paséase polo Pompeo ante o Aceites Abril
As galegas perderon contra o Universidad de León por tres sets a cero dentro da décimo novena xornada da Liga da Primeira División Nacional de voleibol feminino. As ourensás partían como favoritas para este partido xa que contaban coa incorporación de Xulia, Ania, Alex e Nuria Bouza.
Desde os comezos o equipo castelá fíxose co control do partido provocando que Pablo Pérez pedira o seu primeiro tempo morto cun 5 a 8 no electrónico. A partir de ahí, o Aceites Abril encarrilaba constantes erros no saque e en todos os aspectos do seu xogo defensivo. As cousas non saían nin en defensa, nin ataque, nin nos bloqueos que facía que as leonesas leváranse o seu primeiro set por un axustado 23 a 25.
O segundo set seguiu co mesmo guion. As castelás aproveitaron os erros constantes do Aceites que non souberon para o xogo na rede dun Universidad que mantivo as distancias de seis puntos ata o fin do set que rematou cun parcial de 19 a 25.
No terceiro e último set foi o paseo do equipo visitante. Pablo Pérez deu paso a todas as xogadoras da cantera para que fogueasen nun novo partido da Primeira División. O que provocou cas leonesas leváranse claramente o set e o partido cun 7 a 25
FICHA TÉCNICA
PARCIAIS: 23-25/ 19-25/ 7-25 (0-3)
As ourensás quedáronse as portas da vitoria na segunda
Tampouco poido ser. Perderon a gran oportunidade de levarse o triunfo fronte o Feel Volley Alcobendas despois de realizar un bo partido pero no que a inoportuna lesión da colocadora, Patri, condicionou o resultado final do partido.
O punto conseguido fai que permanezan na quinta posición da táboa empatadas a puntos co Extremadura a falta de dúas xornadas para o final da liga na que o Aceites Abril enfrontábase consecutivamente ao segundo e o terceiro clasificado desta liga no equipo asturiano de Los Campos e os canarios del Heidelberg.
O partido comezou co dominio madrileño poñendo terra de por medio desde os inicios con cinco puntos de diferenza: 5-10. Incrementáronno ata o final nun set no que os constantes erros no saque e na recepción das ourensás levaron un resultado final de 15 a 25.
Na segunda manga, as da cidade das burgas desenvolveron un gran xogo de conxunto con Nuria Bouza e Gladys no ataque que bombardearon constantemente á defensa visitante e desequilibraron a balanza do lado ourensá por un claro: 25 a 18.
A mesma tónica mantívose na terceira manga no que as locais empezaron arroiando ao Alcobendas que se viu desarbolado cun 10 a 4 inicial. Un gran xogo defensivo, unha gran Patri na colocación e un efectivo ataque puxeron outra vez un cómodo 25 a 17 no luminoso.
O cuarto set foi moi equilibrado chegándose a un 21-22 momento en que se lesionou a colocadora local Patri que estba realizando un bo partido e que deixou ao equipo orfo na dirección e provocou que as madrileñas se impuxesen por 23-25.
No último e definitivo set o Aceites Abril loitou ata o límite pero volveron aparecer os erros no saque que acabaron condenando ao equipo ata un 12 a 15 final que lles outorga un valioso punto ás ourensás que as sitúa quintas na clasificación da Primeira División Nacional a dúas xornadas do final da competición. Na próxima xornada enfrontaranse o Fertiberia Los Campos (14 de marzo, ás 20.00 horas).
FICHA TÉCNICA
PARCIAIS: 15-25/ 25-18/ 25-17/ 23-25/ 12-15 (2-3)
O Bruxas rabuña un punto ante o Alcobendas
O Feel Volley Alcobendas non pasou só por Ourense. As madrileñas xogaron o sábado ante o CV Bruxas e leváronse a vitoria por un 2 a 3. Agora mesmo as de Ames permanecen na novena posición da táboa con 21 puntos. Na seguinte xornada viaxan ata a comunidade veciña para enfrontarse ao Curtidora Universidad Oviedo o sábado (14 de marzo, ás 17.30 horas).
FICHA TÉCNICA
PARCIAIS: 22-25/ 25-20/ 17-25/ 25-19/ 9-15 (2-3)
