A pasada fin de semana estivo repleta de partidos de voleibol para os clubs galegos. O principal foi o derbi do CV Bruxas contra o Aceites Abril CVO, que caeu por un 0-3 da man das ourensás.
As de Ames xogaron tamén ante o Universidad de Salamanca, co que colleitaron outra derrota (3-0). Por outra parte, o Calasancias Coruña tamén perdeu, por un 3-1 contra o Universidad de Valladolid.
Vitoria do Aceites Abril no derbi
Co equipo ourensán necesitando tres puntos para depender de si mesmo na última xornada e ter opcións de disputar o play off de ascenso, o derbi ante un Bruxas de metade da táboa era dobremente importante.
No primeiro set, a igualdade foi a tónica xeral, cun Aceites Abril que daba mostrar do seu gran xogo e un conxunto local que respondía cada ofensiva. Finalmente, as visitantes anotaron o primeiro punto do partido cun 21-25.
Isto desinflou ás xogadoras do Bruxas, que para a segunda manga perderon fol e deixaba o encontro claramente inclinado para as ourensás. Estas seguiron xogando cunha férrea defensa, e sendo efectivas en ataque, polo que o marcador xa anunciaba o 0-2.
Finalmente, o duelo rematou cun set similar ao segundo, no que o Aceites Abril dominaba desde o saque. Cun pleno final (0-3), os tres puntos viaxaron a Ourense. Cunha vitoria máis, as ourensás clasificaríanse para o play off de ascenso.
Segunda derrota do Bruxas
Ao día seguinte, o CV Bruxas tiveron que recuperar o partido adiado contra o Universidad de Salamanca. As galegas viaxaron a terras castelás para disputar o encontro contra un rival directo, ao que superan por pouco na táboa.
Co cansancio acumulado do derbi no día anterior, as visitantes loitaron por levarse algún set, pero a vitoria quedou lonxe. A primeira manga foi para as locais, por un disputado 25-20. Na segunda, a derrota galega quedaba clara cun 25-10, que se certificaría no set final (25-22), no que a reacción do Bruxas chegou tarde.
Podes revivir o partido no Facebook do equipo de Ames.
O Calasancias cae contra o Universidad de Valladolid
O sábado foi o turno do Calasancias, que viaxaba para visitar ao Universidad de Valladolid, un dos mellores equipos da categoría.
As diferenzas que se podían ver na clasificación trasladáronse ao terreo de xogo, onde as locais foron superiores. Porén, as coruñesas apretaron conseguindo sumar un punto.
O primeiro set estivo moi rifado, cun 25-22 o partido presentábase aberto para os dous equipos. Unha igualdade que se demostrou na segunda manga, cando as galegas impuxéronse e lograron unha pequena vitoria 27-29.
Para o terceiro set, o poder volveu a mans das vallisoletanas, que gañaron por un 25-20, para sentenciar o partido na cuarta manga cun 25-22.
