O equipo ourensán do Aceites Abril viaxaba a terras asturianas para enfrontarse ao equipo de La Curtidora. As galegas arrincaban o partido con confianza no seu xogo e dominando ao equipo local durante todo o primeiro set. Mentres, as xogadoras d La Curtidora non atopaban o seu xogo e cometían erros non forzados que marcarían o desenlace final do set (22-25).
O partido continuo pola mesma liña no segundo set, conseguindo unha ampla vantaxe no marcador na recta final do set por parte das ourensás até chegar o punto 19, a partir deste momento as galegas entraron nun momento de xogo moi negativo deixando renacer ás locais que non perdoaron e asinaron unha gran remontada cunha axustada vitoria (26-24).
O Aceites Abril desplómase no cuarto set
As asturianas foron cada vez a máis tomando as rendas do partido e freando os constantes ataques do Aceites Abril. O terceiro (25-19) e cuarto set (25-12) foron de claro dominio local e certificábase cunha ampla vitoria no cuarto set que lles daba o partido e os 3 importantes puntos.
O equipo de La Curtidora sitúase segundo na clasificación, mentres que o Aceites Abril segue na quinta praza e terá que pensar xa no vindeiro domingo onde recibirá na cancha de O Pompeo ao D´Elhuyar de Logroño.