Esta tarde, sábado 13 de febreiro ás 17:00 horas o Universidad de Salamanca recibe ao equipo ourensán do Aceites Abril CVO coa gran necesidade de puntuar.
A Universidad de Salamanca está a sufrir todas as contras que presenta a actual tempada desde o inicio. O equipo salmantino está situa do na oitava posición da clasificación da Primeira División Feminina Grupo A rozando os postos de descenso o cal converte cada partido nunha final para poder buscar a tranquilidade canto antes.
Pola súa banda a plantilla ourensá vén dunha semana sen competición e sabendo o que se xoga o equipo local será un partido moi duro no que se pagarán caros os erros.
Para o equipo do Aceites Abril CVO tamén é fundamental sumar puntos cada semana para poder seguir na parte alta da táboa na que actualmente é cuarto . Será un partido moi igualado e de vital importancia para ambos os conxuntos de cara a conseguir os obxectivos na recta final da liga regular.
O encontro será transmitido en directo polas RRSS do @voleyourense.
Xusto despois de xogar coas ourensás, o Universidad de Valladolid medirase ao CV Oviedo e mañá, domingo 14 de febreiro, co CD Voleibol Astillero nun partido previsto para as 13:30.
