O vindeiro domingo, 30 de maio, a Federación Galega de Atletismo organiza o VI Campionato de Xunta de Galicia de Trail coa Delegación de Santiago e en colaboración coa Asociación Deportiva do Barbanza e o Concello de A Pobra do Caramiñal.
En total participarán once atletas na carreira feminina, das cales destacan Eva de la Fuente e Montserrat Carreira. A primeira delas, pertencente ao Brión-Hyupersa Santiago é subcampioa galega absoluta. O título de campioa corresponde a Carreira, do Comesaña SC, quen tamén é subcampioa de Montaña máster 50.
Xunto a elas competirán Verónica Calvo, do Club Atletismo SAR, Celia Carracedo, do ADAS Proinor, Enara Fernández, do CD Biosbardo, Inés Ferradans, do Brión, María José Grobas, do CA Boimorto, Noemí Sanmartín e Martina Tasende, ambas do CA O Pino, Barca Toba, do SD Compostela Atletismo e María José Touron, do VII Legio Querquennis.
O Campionato galego de trail disputarase en modalidade individual, pero tamén por equipos, na que será a primeira edición desde o parón obrigado no 2020 pola pandemia de COVID-19. O listado de participantes roza o centenar, tras un ano de espera.
Nas probas masculinas de trail destacan Rubén Martínez, o seu irmán Carlos Martínez, Iván Roade, Juan Rivas e Juan Camean, algúns dos campións da edición celebrada no 2019.
