O RC Deportivo ABANCA está a traballar na renovación de diferentes membros da plantilla do primeiro equipo que adestra Manu Sánchez. Hai xogadoras que xa teñen respondido afirmativamente ao club galego e outras que están a consultar coa almofada o seu futuro. É o caso da santiaguesa Nuria Rábano.
Ante todas as preguntas que recibía sobre o seu futuro, a futbolista galega declarou: “Actualmente xogo no Dépor ABANCA, teño contrato ata xuño e aí acábaseme! Téñeme pedido que renove, si, tamén hai ofertas, si. Decida o que decida haberá comentarios de todo tipo, pero entendede que as futbolistas somos persoas, non sabedes do noso pasado nin de moitas cousas máis, so nos vedes xogar e a nosa traxectoria futbolística (moitos so saberedes deste ano)”.
Nuria Rábano, deportivista: “Decida o que decida haberá comentarios de todo tipo, pero entendede que as futbolistas somos persoas, non sabedes do noso pasado”
A deportista, que chegou ao conxunto branquiazul procedente do Atlético Arousana, pide tamén respecto: “Eu persoalmente pídovos so que sexades educados preguntando estas cousas, sei que é coa mellor intención pero ás veces pasádesvos cos comentarios, este é o meu traballo e espero que sexa o meu futuro moito tempo! Decida o que decida vai ser mirando o mellor para min e o meu futuro, tamén é difícil para min en moitos sentidos así que pídovos respecto ante unha posible decisión que se dea no futuro”.
Nuria Rábano, deportivista: “Pídovos so que sexades educados preguntando estas cousas, sei que é coa mellor intención pero ás veces pasádesvos cos comentarios”
Rábano podería decidir o seu equipo en xuño
Nuria Rábano Blanco xoga como lateral esquerda, ten sido internacional en categorías inferiores e precisamente en xuño, cando se decidirá o seu futuro deportivo, cumplirá 21 anos. Milita no RC Deportivo desde o 2016.
