- Rábano e Mieres son dúas das futbolistas galegas na elite do futfem
Aínda que Galicia non conta cun equipo na máxima categoría do fútbol feminino estatal, si ten representación na elite do futfem español. Hai representación galega entre xogadoras e tamén no colectivo arbitral.
Dúas das galegas que xogarán esta tempada 2022-23 na máxima categoría, a Liga Iberdrola, e que mudan de aires son Malena Mieres e Nuria Rábano. As dúas son ex do Dépor ABANCA que militará na Primera Federación con Irene Ferreras como adestradora.
No caso da cancerbeira pontesa de 22 anos vén de asinar por dúas tempadas polo Real Betis, xustamente o equipo ao que decía adeus esta tempada outra galega Mari Paz Vilas (da que aínda se descoñece o seu vindeiro equipo).
Malena Mieres García xogou no PM Friol, Dépor ABANCA club co que ascendeu á máxima categoría (2016-2019). Repetiría ao ano seguinte ascenso coa SD Eibar, desde a que chega ao club sevillano. Nestes tres últimos anos no Eibar, Malena Mieres estivo baixo paus 15 partidos como titular na Primera Iberdrola.
Ver esta publicación en Instagram
A porteira pontesa foi campioa de Europa Sub-19 coa Selección Española no 2018.
Nuria Rábano: “É unha gran oportunidade”
No caso da compostelá Núria Rábano Blanco, de 23 anos, muda esta tempada a Real Sociedad polo FC Barcelona. O mellor equipo (polo menos sobre o papel), da categoría. A zagueira galega ten un recorrido desde a posición de lateral esquerda que aporta moita chegada ademais de seguridade en labores defensivas, pero sobre todo asina boas cifras nas asistencias.
Foi unha das xogadoras que, logo da gran tempada do Dépor ABANCA na Liga Ibedrola, cambiou de aires. O seu destino foi daquela a Real Sociedad, así que mantivo as cores. Alí estivo ás ordes de Natalia Arroyo facendo un gran traballo que rematou por chamar a atención en Camp Barça. Coa Real Sociedad acadou o pase á Champions. Con todo, non estivo na lista de Vilda para a Eurocopa.
✍ @nuriaablanco11, el primer fitxatge del Barça 2022/23 👉 https://t.co/fH92EPCqon
✍ Nuria Rábano firma hasta 2⃣0⃣2⃣4⃣ 👉 https://t.co/XmccqMVjGL pic.twitter.com/znt2DjERAR
— FC Barcelona Femení (@FCBfemeni) June 17, 2022
Agora a defensa de Santiago de Compostela dá un paso máis na súa carreira e súmase ás filas do grande favoritor, o Barça. Ela mesma declaraba que esta fichaxe “é unha gran oportunidade”. Militará nun club que aspira a todo en España e en Europa. A súa foi das primeiras fichaxes en anunciarse na casa blaugrana para a tempada 2022-23. Ten contrato ata o 2024.
Na súa incorporación co FC Barcelona, Nuria Rábano declaraba que había moi pouco empezara “na elite e a verdade é que dei un salto moi grande. É unha fichaxe moi importante para min persoal e futbolísticamente, así que estou encantada”.
Dixo tamén na súa presentación a lateral galega: “Xoguei contra o Barça, sei a súa historia e vivín experiencias moi bonitas para o fútbol feminino, vir aquí é un tren que non pasa sempre. É unha gran oportunidade”.
El primer missatge de @nuriaablanco11 com a Culer! pic.twitter.com/jvUEYxayyu
— FC Barcelona Femení (@FCBfemeni) June 17, 2022
As árbitras galegas no máis alto
Entre as mulleres galegas na élite do fútbol feminino español están non so as xogadoras, tamén temos árbitras. É o caso da colexiada internacional FIFA Zulema González González.
Pero Zulema non é a única galega na elite estatal do futfem dirixindo partidos. Pitarán na máxima categoría (Liga Iberdrola) as colexiadas: Beatriz Cuesta Arribas, Eugenia Gil Soriano, e a propia Zulema González González. Sen esquecer que a tamén galega Yolanda Parga é a responsable da arbitraxe feminina dentro do Comité Técnico de Árbitros (CTA) da RFEF.
Estarán na máxima categoría tamén as colexiadas asistentes: Tania Fente Pena, Loren Novas Benavides, e Iria Rosendo González.
Elena Casal, que dirixiu partidos na máxima categoría, estará este curso na Primera Federación.
