Menorca foi a sede da Copa da Raíña de voley praia dando comezo a unha nova tempada de verán emocionante na que as galegas do Club Volei Praia Milenio Ourense tiveron unha participación notable co triunfo de Nuria Bouza e Nazaret Florián como subcampioas de Copa da Raíña.
O Club Volei Praia Milenio Ourense contou con representación tanto feminina como masculina. En categoría feminina serían Nuria Bouza e Nazaret Florián quen desde o seu comezo na competición o sábado conseguiron grandes logros. Pasando como primeiras de grupos, gañarían os seus cuartos de final o sábado pola tarde, conseguindo meterse na semifinal que se celebraría o domingo pola mañá.
Nese partido Nuria Bouza e Nazaret Florián impuxéronse por 2-0 á parella Kliokmanaite / Merteki logrando así clasificarse para a gran final. Xa pola tarde, ás 18h enfrontábanse á parella Moreno / Álvarez onde tras un gran xogo desta parella, caerían por 2-0. Prata máis que merecida para esta parella que demostrou o seu gran nivel ao longo de todo o fin de semana.
Xa en categoría masculina, o conxunto de Ourense contaría coa representación de Noé de Mena que quedou noveno, formando parella con Tomás Ripoll. O Club Volei Praia Milenio Ourense tamén estaría representado por Hernán Tovar, que esta vez formaría parella con Christian García, quen conseguiron pasar tamén primeiros de grupo e gañar os seus cuartos de final o sábado á tarde.
Na semifinal atoparíanse coa parella formada por Jiménez / Mesa e tras dous sets intensos, 24-22 e 21-19, non lograrían meterse na final. Sacando forzas despois duns cuantos partidos, conseguirían facerse co bronce tras gañar á parella Huerta / Duque. Unha magnífica maneira de terminar un gran torneo como é a Copa do Rei e da Raíña.
Prata para Tea Andric e Sandra Salleras no Circuíto madrileño de voley praia
En Madrid, o voley praia seguía o seu curso coa celebración doutro torneo do circuíto madrileño. Na xornada do sábado, a representación do Club Volei Praia Milenio Ourense foi Tea Andric que formaba parella con Sandra Salleras e que rematarían por levar a prata do torneo, onde gañaron na súa semifinal á parella formada por Blanca Izquierdo e Laura Holz, con Blanca Izquierdo e como representante do club ourense. Esta última conseguiría un gran cuarto posto neste torneo.
En categoría masculina os xogadores do Club lograron dous pódiums máis, prata para David Guiñazú e bronce para Víctor San Martín.
Moi bos resultados para o Club Voley Praia Milenio Ourense que seguirá apoiando a todos as súas xogadoras e xogadores nesta tempada de verán que esperemos que pronto conte novamente cos seus torneos en Galicia.
