O encontro galego desta xornada terá lugar o sábado 7 ás 16:00 horas entre o líder dos equipos galegos, o Poio Pescamar FS, que ocupa a terceira posición na táboa, e o Viaxes Amarelle FS, que aínda non logrou puntuar e busca deixar a parte baixa da clasificación. Este partido do Subgrupo A da competición na Primeira División do Fútbol Sala da RFEF xogarase no Pabellón da Sagrada Familia en A Coruña, e será retransmitido pola TVG2 e pola web de directos de deportes da CRTVG.
As de Cossío repiten nesta cuarta xornada un encontro en terras galegas despois de gañar cunha ampla vitoria ao Cidade de As Burgas, mentres que as de Basanta, que veñen de perder fronte ao CD Leganés FSF, tentarán dar a sorpresa, nun partido complicado contra un rival asentado na categoría tanto esta tempada como en campañas anteriores.
O Viaxes Amarelle e as pontevedresas xa se enfrontaron en dous partidos de pretempada sen bos resultados para as herculinas, cun 6-3 a favor das pontevedresas na primeira ocasión e un 0-1 tamén favorable ao Poio na segunda.
A esta altura da competición, as xogadoras de Basanta figuran xa como aspirantes a situarse entre os catro primeiros clasificados da primeira fase, tras o empate fronte ao STV Roldán FSF e a vitoria na xornada anterior contra o Cidade de As Burgas FSF, situándoas en terceira posición cun total de catro puntos. Pola contra, as coruñesas non lograron puntuar en ningún dos dous primeiros encontros ligueiros.
A actual situación sanitaria obriga a que este encontro se dispute a porta pechada, se ben o Poio xa confirmou que todo o seu equipo e corpo técnico pasou os test con resultados negativos.
