Está a piques de rematar o prazo de inscrición de novas prazas nas Escolas Deportivas Municipais (EDM) da Coruña para o curso 2022-23, xa que a presentación de solicitudes vai do 5 de setembro, ás 08:00 h, ata o 11 de setembro de 2022, ás 23:59 h. O Concello da Coruña oferta 40 prazas específicas para persoas con discapacidade no curso 2022-2023.
❗ Hoxe, 11 de setembro, ás 23:59h, péchanse as convocatorias! ⬇
👉 Novas matrículas nas Escolas Deportivas Municipais do curso 22/23: https://t.co/6MNFonzljj.
👉Cursos municipais do 4º trimestre do @Club_del_Mar: https://t.co/yGVnExlBVw. pic.twitter.com/IagURAsuBx
— A Coruña Deportes (@coruna_deportes) September 11, 2022
Trátase dunha convocatoria pública regula a “oferta de prazas libres e novas prazas que se incorporan á oferta das Escolas Deportivas Municipais (EDM) para o curso 2022-2023. A duración das actividades estenderase desde outubro de 2022 a xuño de 2023, seguindo o calendario escolar aprobado pola Xunta de Galicia no relativo a festivos, vacacións de Nadal, etc”.
O trámite leva aberto varios días, pero, segundo explican desde a Concellería de Deportes do Concello da Coruña “é indiferente que o trámite se faga calquera día da semana mentres se realice dentro do prazo. Inscribirse antes non significa ter máis opcións que facelo no derradeiro minuto”. Eso si, anótate antes de que finalice o prazo.
Consulta os trámites para anotarte nas Escolas Deportivas Municipais
O prazo remata hoxe, 11 de setembro de 2022, ás 23:59 horas. Está previsto que a listaxe provisional de solicitantes se coñeza o 13 de setembro de 2022, a partir das 14:00 horas. Logo virán a corrección de erros, a listaxe definitiva e o sorteo. Posteriormente abrirase o prazo de matrícula para as persoas admitidas. Podes consultar como apuntarte, trámites e prazos nesta ligazón á web municipal.
Entre as actividades incluídas nas Escolas Deportivas Municipais (EDM) da Coruña para o curso 2022-23, para as persoas de 9 a 17 anos haberá bádminton, tenis de mesa e natación en San Amaro, baloncesto en cadeira de rodas no Barrio das Flores, natación na piscina de Riazor e tenis en cadeira de rodas no Casino da Zapateira.
O Concello da Coruña oferta 40 prazas específicas para persoas con discapacidade no curso 2022-2023.
📢 40 prazas específicas para persoas con discapacidade nas EDM! ➡ https://t.co/6MNFonzljj.
👉 Os obxectivos son a aprendizaxe de habilidades motrices, o goce a través do movemento e da interacción social co profesorado e compañeiros/as, e o afianzamento de hábitos saudables. pic.twitter.com/s3GxmtcTRP
— A Coruña Deportes (@coruna_deportes) September 8, 2022
Ademais, entre as persoas con discapacidade inscritas a Concellaría de Deportes da Coruña anuncia un sorteo con protagonismo de dous destacados deportistas paralímpicos coruñeses: Jacobo Brun e Alberto Seoane.
📢 Entre as persoas con discapacidade que se anoten nas escolas deportivas municipais, sortearemos:
Unha camiseta de @brun_jacobo, campión do mundo de 🏊♂️natación e paralímpico en Toquio, e outra de @alberto_seoane_, campión do mundo de 🏓 tenis de mesa e paralímpico en Londres. pic.twitter.com/jbwpGD78aH
— A Coruña Deportes (@coruna_deportes) September 8, 2022
A nadadora Almudena Quereda, campioa de España, tamén animaba a persoas con discapacidade para sumarse ás Escolas Deportivas Municipais (EDM) da Coruña para o curso 2022-23.
🏊 Almudena Quereda, campioa de España de natación adaptada, anímavos a participar na oferta específica para persoas con discapacidade das Escolas Deportivas Municipais.
🗣️ “A discapacidade non é unha razón para non facer deporte”.
E ti, anímaste? ➡ https://t.co/6MNFonzljj. pic.twitter.com/yrugG8n8fg
— A Coruña Deportes (@coruna_deportes) September 8, 2022
En total nestas EDM, o Concello da Coruña oferta 2.181 prazas para practicar deporte, das cales 580 son novas e 40 están destinadas a persoas con discapacidade. Explican desde a Concellería de Deportes coruñesa que “unha das funcións da oferta para persoas con discapacidade nas EDM é consolidar a práctica da actividade física e, chegado o momento, e coa avaliación e visto dos nosos profesionais, conseguir a inclusión desa persoa noutros grupos das Escolas”.