O sábado, 5 de decembro, o pavillón CGTD de Pontevedra será de novo o escenario dun encontro do CB Arxil. Desta vez, o rival será o HGB Ausarta Barakaldo ás 19:30 horas.
O Arxil precisa urxentemente unha vitoria para non seguir caendo nunha espiral de derrotas. Con catro consecutivas, é a peor racha da categoría, só comparable á do Magec Tías, que ocupa a posición de colista.
Porén, as galegas manteñen a décima posición tras dúas vitorias e seis derrotas, polo que non perden a esperanza de cambiar o seu rumbo na Liga Feminina 2. Antes do parón obrigado ao non poder disputar os encontros contra o Rosalía e o Ibaizabal, o Arxil que se veía sobre a pista era outro.
As xogadoras ás ordes de Maite Méndez deberán traballar nunha boa defensa e aumentar o seu ritmo de xogo, sobre todo recuperando a alegría nas súas xogadas de ataque.
Estas melloras foron xa algo palpables na anterior cita, contra o Azkoitia Azpeitia ISB, na que o rival foi moi superior nos primeiros minutos e a remontada estivo preto, pero non foi posible.
Como rival, un Barakaldo que non conseguiu lograr ningunha vitoria como visitante. Ademais, as vascas veñen de perder contra outro galego, o Rosalía, que ata hai ben pouco era o claro colista da categoría e está a rexurdir despois de dúas vitorias e unha disputada derrota.
De todas formas, para este encontro o cadro visitante conta coa volta de Alba Ibáñez, que aumentará as opcións ofensivas desde o exterior. Ademais, as xogadoras de Cea Ferreiro non destacan individualmente, pero colectivamente son un cadro potente, que crea xogadas de perigo durante os 40 minutos.
Lino Vázquez, Arxil: “Hai que esquecer as derrotas e saír a por todo”
Pola súa banda, Lino Vázquez, do Arxil, declarou en relación á actual situación do club que “hai que esquecer estas catro derrotas e saír o sábado a por todos os balóns, a por todos os rebotes e a buscar a mellor acción de xogo en ataque. Sobre todo, temos que desfrutar do que somos e da camiseta verde que levamos. Se facemos todo iso, seremos o CB Arxil que queremos ser”, declarou con convencemento.
Lino Vázquez, membro do corpo técnico do Arxil: “Temos que desfrutar do que somos e da camiseta verde que levamos. Se facemos todo iso, seremos o CB Arxil que queremos ser”
Para acudir ao encontro, as persoas socias pudieron solicitar entrar no sorteo de entradas. Para quenes queden sen ir, o partido retransmitirase polo Canal FEB.
As persoas aboadas ao Arxil poden participar nun sorteo para o partido do sábado
