O BAXI Ferrol, que acumula pleno de vitorias na frase de grupos da Eurocup Women, mídese este mércores 29 de outubro ao Benfica, nun partido que se disputará ás 20:15 na Malata.
Ver esta publicación en Instagram
Enfróntase o BAXI Ferrol a un rival que, aínda que non logrou gañar ningún partido no que vai de competición, preséntase como un adversario con gran capacidade defensiva, que suma intensidade e poderío físico a partes iguais, calidades que lle poden complicar as cousas ás ferrolanas máis do esperado.
As galegas que adestra Lino López terán que botar man de todo o seu potencial e aproveitar o calor dos seguidores locais para facerse cun novo triunfo na competición internacional.
No que vai de mes as ferrolás acumulan un elevado número de partidos que pode pasarlles factura.
Ver esta publicación en Instagram
Con todo, o obxectivo o conxunto ferrolá non pode ser outro que seguir invicto nesta fase de grupos da Eurocup Women e asegurar así a súa praza na seguinte rolda da competición continental.
