Noia será esta fin de semana do 24 e 25 de abril dunha competición homenaxe a Alejandro Gómez, o atleta olímpico pontevedrés recentemente falecido. Corenta e cinco especialistas congregaránse nas pistas da localidade noiense para disputar o Campionato de Galicia dos 10.000 m. absoluto e 5.000 Sub-18 e Sub-20.
Os grandes nomes das especialidades estarán ausentes polo comezo do Campionato Nacional de Liga. Porén, si estarán presentes atletas de alto nivel.
Unha delas é Soledad Castro, do Comesaña SC, en substitución de Marta Casanova, do ADAS Proinor, baixa de última hora. Castro é internacional máster, múltiple campioa de España e Galicia, gañadora do Campionato de Europa nos 5.000 m. e nos 10.000 m. no 2002 e Campioa do Mundo en 10.000 m., subcampioa de 5.000 m. e de campo a través no ano 2003, entre outros éxitos.
En categoría feminina tamén competirá Julia Vaquero, olímpica en Atlanta 96, e Yolanda Gutiérrez, do Coruña Comarca, bronce no campionato nacional de marathon no 2011.
O campionato galego de atletismo I Memorial Alejandro Gómez servirá tamén para honrar a memoria de Hipólito Rey, impulsor e dinamizador do atletismo en Vila de Noia, falecido recentemente.
O torneo poderá seguirse vía streaming no Youtube da FGA.
Lista de deportistas inscritas/os no Memorial Alejandro Gómez – Campionato de Galicia de 5.000 mts. Sub-20 e Sub-18 / Absoluto e Sub-23 para a distancia de 10.000 mts
Cartel do I Memorial Alejandro Gómez / FGA
