Tres serán os deportistas galegos que tomarán parte no 3º ránking series do Mundial de Loita praia que se celebrarán hoxe e mañá (1 e 2 de xullo). Alí estarán a loitadora Noelia Lalín (Club Keltoi de Vila de Cruces, +70 kg) e a árbitra galega Nerea Vila Fernández. Tamén competirá o loitador galego Pablo García García (Club de Loita Pontevedra, +80 kg), segundo informa a Federación Galega de Loita (FEGALOITA).
A competición deste 3º ránking series do Mundial de Loita praia 2022 terá lugar nos areais de Saint Laurent du Var (Niza, Francia).
Noelia Lalín Canda, foi subcampioa no 2º Ránking Series do Mundial de Loita praia que tivo lugar en Sanxenxo (Pontevedra), mentres que Pablo García García finalizou naquela ocasión en cuarta posición. Ambos os dous loitadores galegos acuden á cita gala coa aspiración de sumar o maior número posible de puntos para, finalmente, clasificarse para os Xogos de Verán que vanse celebrar en Bali o vindeiro ano.
Log da cita de Francia quedarán outras dúas xorndas máis: Katerini (Grecia) e Constanta (Rumanía), onde se dará por finalizada a tempada.
Actualmente, a loitadora galega Noelia Lalín é a deportista española con maiores posibilidades de se clasificar para os Xogos Mundiais, Beach Wrestling, de Bali.
