Ningunha galega nin deportivista na convocatoria dos amigables da Selección

Jorge Vilda anunciou este martes a convocatoria de xogadoras da Selección Española absoluta para os amigables con Bélxica e Dinamarca. Un listado de 25 futbolistas entre as que non hai ningún nome galego. Tampouco ningunha deportivista.

O seleccionador da roja deixa fóra da convocatoria a nomes do talle de Tere Abelleira ou Mari Paz ou mesmo as deportivistas Peke e Athenea.

Ausencias galegas na Selección

A galega Tere Abelleira, actualmente xogadora do Real Madrid, cáese da lista, despois de formar parte da última convocatoria, a dos amigables disputados ante Países Baixos e México.

Malia ser unha das máximas asistentes da Primera Iberdrola, entrando entre as 15 mellores, desta vez non poderemos ver á pontevedresa coa camiseta da Selección. Si estarán porén ata cinco compañeiras súas, entre as que está a ex do Dépor ABANCA Misa Rodríguez.

Tampouco estará nestes amigables Mari Paz, arousá xogadora do Real Betis, quen formou parte do equipo que xogou a Eurocopa do 2017.

Mari Paz Vilas: “Xogar en Riazor foi un soño feito realidade”

A centenaria branquiazul Peke é a máxima goleadora do equipo (9 tantos), e con cifras que nada teñen que envexar a outras xogadoras como Mariona Caldentey. De feito, a deportivista suma en menos partidos disputados, tantos goles como a blaugrana, que porén si entrou na convocatoria.

Pola súa banda, Athenea del Castillo puido debutar o pasado mes de outubro coa absoluta, no partido disputado ante a República Checa no clasificatorio para a Eurocopa. Entón, o seleccionador español Jorge Vilda tampouco contou coa xogadora deportivista nunha primeira lista, pero a cántabra entrou finalmente, desgraciamente foi para cubrir a lesión da futbolista Lucía García.

Neste momento da tempada, a dianteira do Dépor ABANCA suma dous goles menos que Peke, cun total de 7. A branquiazul Alba Merino tamén se move nestas cifras, con 8 tantos anotados na súa conta particular.

En categorías inferiores o talento galego si se ve máis recoñecido. A herculina Paula Novo foi convocada pola Selección sub17 para a concentración que se está a levar a cabo nesta semana.

Paula Novo incorpórase á concentración da Selección sub17

As futbolistas que pasan o cribado de Vilda

Entre as 25 xogadoras que si foron convocadas polo seleccionador, sobresaen os nomes cataláns. A espectacular tempada do FC Barcelona faise sentir no listado da Selección Española, con ata nove xogadoras blaugranas. As culés son, claramente, o equipo máis en forma do futfem español neste momento.

O segundo equipo que aporta máis xogadoras é o Real Madrid de Tere Abelleira, cun total de cinco futbolistas. Tampouco se queda atrás a Real Sociedad, onde milita a futbolista galega Nuria Rábano, con dous xogadoras na convocatoria. A compostelá si estivo na listaxe da Selección sub23, da que tamén formou parte a branquiazul Athenea del Castillo.

¿Todavía no conoces la para los próximos amistosos ante Bélgica y Dinamarca?

¡ !

️ 10 y 15 de junio en el Estadio Municipal de Santo Domingo, Alcorcón (Madrid).

https://t.co/UJvuur7AAE#JugarLucharYGanar pic.twitter.com/9Ldm2TcR4p

— Selección Española Femenina de Fútbol (@SeFutbolFem) June 1, 2021