O Atlético Guardés terá a próxima tempada dúas novas pezas na súa segunda liña. A extremo esqueda Ángela Nieto e a extremo dereira Nazaret Calzado de Toro incorpóranse ao equipo que adestra o técnico José Ignacio Prades xunto ao trío de brasileiras integrado por Deborah Nunes, Tamires Anselmo e Gabriela Pessoa.
Ángela Nieto (1997) chega para ocupar a demarcación de extremo esquerdo. A xogadora destra leva desde o 2012 nas filas da Aula Alimentos Valladolid e chega á Guarda con “moitas ganas de seguir crecendo, cumprindo obxectivos e sentir o ambiente da Sangriña”, conta a de Béjar, internacional en categorías inferiores con España.
Ángela Nieto, nova fichaxe do Guardés di ter “gañas de sentir o ambiente da Sangriña”
No extremo oposto estará Nazaret Calzado de Toro (1995). A zurda formada no Balonmano Bolaños enrolouse no Jofemesa Oviedo, equipo co que logrou o ascenso a División de Honra na 14-15. Tras esta estancia no conxunto asturiano fichou polo Málaga na 17-18. Agora chega ao Guardés procedente do Schär Zaragoza de Prata. Iso si, cunha ampla bagaxe na División de Honra tras pasar tamén polo Balonmano Salud de Tenerife e o Elche.
Para Nazaret Calzado, o At. Guardés: “É un proxecto moi apaixonante e ambicioso e espero achegar o meu granito de area e gozar con todo o equipo”
Nazaret Calzado confesou estar “moi ilusionada de formar parte dun dos mellores equipos de España e poder gozar tamén dunha das mellores afeccións”, destaca a extremo antes de debullar os motivos que a levaron a tomar esta decisión: “É un proxecto moi apaixonante e ambicioso e espero achegar o meu granito de area e gozar con todo o equipo”, conta a extremo dereita.
Con Nieto e Calzado son xa cinco as altas do Guardés 2021-22
Tras estes dúas novas fichaxes, o Balonmán Atlético Guardés conta xa con cinco incorporacións para a próxima tempada tras pechar a chegada da central Deborah Nunes, o pivote Tamires Anselmo e a lateral Gabriela Pessoa, todas elas brasileiras.
Polo momento, confirmáronse as baixas no Guardés da pivote Sarah Valero, a extremo dereito Rosario Urban e a primeira liña Paulina Buforn.
