Unha ducia de deportistas galegos acuden esta fin de semana (do 6 ó 8 de novembro) o Torneo Internacional Jóvenes Promesas de Loita, entre deles están as dúas loitadoras Nerea Pampín e Nerea Iglesias. A cita deportiva terá lugar en Pilar de la Horadada (Valencia). Alí vanse reunir os mellores deportistas nacionais das categorías cadete, júnior e U23.
Os deportistas convocados pola Federación Española son: Saúl Bello e Manuel González ambos do Club San Ignacio de Vigo, David González e Omar Rodríguez do Club Sabarís de Baiona, Santiago Sánches e Nerea Pampín ambos do Club Keltoi de Vila de Cruces, Nerea Iglesias da Escola Ayude de Santiso.
Segundo informa a Federación Galega de Loita, como técnicos acudirán Rubén Méndez, e os técnicos nacionais Marcos Miragaya (seleccionador cadete) e Pablo Pintos (seleccionador U23). O Colexio Galego de Árbitros, estará representado por Daniel Fernández e Jorge Garrido, ambos do Club Kuzushi de Vigo.
Nerea Pampín e Nerea Iglesias, quedan logo para unha concentración
Unha vez rematada a competición, os deportistas: Santiago Sánchez, Nerea Pampín, Nerea Iglesias, Omar Rodríguez, Marcos Miragaya e Pablo Pintos, permanecerán concentrados ata o mércores 11 de novembro.
Desde FEGALOITA agradan que “sexa unha boa oportunidade para amosar o funcionamento dos protocolos, xa que todos os deportistas teñen que acudir a convocatoria cunha proba negativa de COVID-19. Unha vez cheguen a Pilar de la Horadada, todos teñen que volver a pasar outro test de antíxenos, para poder acceser o hotel e a competición”.
Neste sentido, explican que a Federación Española e a Federación Murciana de Lucha, “están blindando esta actividade, para tratar de garantir a máxima seguridade para todos os participantes”.
