A deportista galega Nerea Pampín Blanco (Club Keltoi de Vila de Cruces), está concentrada coa Selección Española ata o 11 de Setembro en Torredelcampo (Jaén), como parte da súa preparación de cara o Mundial U-23 que terá lugar en Pontevedra no mes de outubro, tal e como informa a Federación Galega de Loita (FEGALOITA).
A Selección Española feminina de loita, está preparando a súa participación na cita mundialista de Pontevedra no mes de outubro. A deportista con mellores resultados internacionales é a loitadora galega Nerea Pampín (5ª clasificada no Campionato de Europa U-23), agora convocada coa Selección Española para esta concentración preparatoria de cara o mundial.
Nerea Pampín adestra no CGTD de Pontevedra as ordes de Rubén Méndez e Marcos Miragaya, formando parte do grupo de Rendemento: agora o principal obxectivo é afinar a súa preparación de cara o Mundial de casa, onde recibirá todo o apoio da familia da loita galega.
