Esta semana volta a competición europea de Loitas Olímpicas e a galega Nerea Pampín forma parte das participantes. O Campionato de Europa U23 celebrase entre o 17 e o 22 deste mes de maio, no que é o primeiro torneo continental desta disciplina desde o inicio da pandemia de COVID-19.
A loitadora do Club Keltoi de Vila de Cruces e becada no CGTD de Pontevedra, competirá na localidade macedonia de Skopje na categoría de -65 kg. A Selección Española complétase coa andaluza Ana Torres e a madrileña María Victoria Baez, que competirán ás ordes de Antonia Torres.
Segundo informa a Federación Galega de Loita (Fegaloita), o ano 2020 suspendéronse todas as competicións por mor da pandemia de coronavirus, polo que neste 2021 estanse a retomar os campionatos paulatinamente. Para esta nova edición do Campionato de Europa U23, seguiranse estrictamente as medidas de seguridade sanitaria.
Pampín, sétima no europeo júnior do 2019
No 2019, Nerea Pampín logrou un sétimo posto no Europeo júnior, no que competiu en casa ao terse disputado en Pontevedra. Con este novo torneo, a galega terá a oportunidade de manter o seu nivel internacional na categoría previa á absoluta e nun ano olímpico.
A competición poderase seguir en directo vía streaming nesta ligazón.
