A deportista galega Nerea Pampín, pertencente ao Club Keltoi de Vila de Cruces e becada no Centro Galego de Tecnificación Deportiva (CGTD) de Pontevedra, ven de acadar a única medalla para a Selección Española feminina absoluta, no prestixioso Torneo Internacional Herni Deglane de loita. A loitadora do Club Keltoi de Vila de Cruces colgose do pescozo o bronce.
Nerea Pampín Blanco, participou na categoría de -65 kg, gañando a súa fase de grupos contra as deportistas de Alamaña e Polonia. Pasando como primeira de grupo.
Na loita polas medallas caeu ante outra representante Alemana e quedou as portas da final, gañando finalmente a medalla de bronce.
Pola súa banda, Lydia Pérez Touriño, gañou contra Alemaña, perdeu o segundo cruce contra Brasil. Na fase de repesca, gañou contra Polonia e perdeu a medalla de bronce contra Alemaña.
A Federación Galega de Loita (FEGALOITA), fala de “boas sensacións para as deportistas galegas de loita becadas no CGTD de Pontevedra de cara a esta importante tempada, previa os Xogos Olímpicos de París 2024”.
