Outro dos reforzos cos que contará o Ourense Envialia no vindeiro curso chega desde a canteira. Trátase de Nerea Lorenzo que sube desde o filial ao equipo de Primeira División
A deportista manifestaba que agarda “aprender moito e aportar o máximo posible ao equipo”. Desde o club ourensá salientan dela a súa calidade, competitividade e traballo. Explican que dar novas coma esta “fai especial ilusión. É moi bonito ver que as que chegan sendo unhas nenas van madurando, traballando pouco a pouco e, con algúns dos valores máis importantes como son o esforzo, a constancia e o traballo, rematan por ter a súa recompensa”.
Coa súa chegada ao primeiro equipo do Ourense Envialia, Nerea Lorenzo confía en “seguir gozando do fútbol sala e avanzar a nivel profesional”. A futbolista está segura de que a unión do grupo será “moi importante”.
Coñezamos un pouco mellor a Nerea Lorenzo:
- UN CLUB: Real Madrid
- UNHA XOGADORA: Peque
- UNHA PORTERA: Antía Piñeiro
- UN ADESTRADOR: Rubén Carballo
- UN PAVILLÓN: O Paco Paz
- UN XANTAR: Paella
- LIBRO: El niño con el pijama de rayas
- PELÍCULA: La belle époque
- MÚSICA: Anteriormente diría o reggaeton, pero agora xa me gustan outros estilos
- COR: Azul
- VALOR QUE DESTACAS NO DEPORTE: As ganas de superación e a educación
- OUTRAS AFICCIÓNS: o ximnasio e como me gusta o movemento, descubrir lugares novos.
