Nerea Liste é unha xogadora con experiencia que chegou ao CB Arxil procedente do Rosalía de Santiago na tempada 2001002 e aclimatouse moi ben o CB Arxil. Agora o club verde conta con ela para o curso 2023-24.
A xogadora renova co CB Arxil logo da súa primeira tempada seniór e tras realizar unha boa campaña individual. Liste contou con case 25 minutos de media en 24 partidos (7,9 puntos de media, 7,5 rebotes, cun 50,4% en tiros de campo e 73,2% en tiros libres). Na fase estoupou como xogadora con 31 minutos de media en 3 partidos 12,7 puntos por partido e 6 rebotes por partido.
Na pasada tempada case 29,34 minutos de media en 24 partidos (11.6 puntos de media, 8,5 rebotes, cun 53,8% en tiros de campo e 82,5% en tiros libres e unha valoración de 17,1 por partido. Como se pode comprobar a melloría no seu xogo vese reflectida en números.
Nerea Liste foi a 13ª xogadora máis anotadora da LF2, a 5ª en rebotes totais,a 4ª en rebotes ofensivos ,a 7ª en rebotes defensivos ,a terceira en tiros de dous e a terceira en tiros libres. Uns grandes números que no club de Pontevedra agardan que pese á “súa mocidade sigan crecendo a nivel particular e beneficioso para o C.B. Arxil“.
Formada no Rosalía de Santiago, Nerea Liste é unha boa defensora cunha boa porcentaxe de tiro, moi traballadora e con calidade a nivel individual e en xogo colectivo e xa na súa segunda tempada “achegará experiencia e xunto a e Cristina serán parte do núcleo duro do xogo interior do C.B. Arxil achegará experiencia ao bloque de xogadoras, ademais de ser unha arxilista mais”, apuntan desde o club verde.
“Traballadora e xogadora de equipo, estamos seguros que Nerea Liste daranos equilibrio un bloque de xogadoras onde se aposta por deportistas con proxección”, relatan desde o CB Arxil.
Liste volverá estar ás ordes de Maite Méndez nesta tempada na que se espera dela que continúe coa gran progresión que leva como xogadora.
A.N. Que significa renovar polo CB Arxil?
NEREA LISTE: Para min renovar significa ilusión e felicidade, ter a unha adestradora que confía en min, ter a compañeiras que se podería dicir mesmo que algunhas delas son como as miñas irmás maiores, e ter a unha afección que o dá todo e entrégase en cada partido
A.N.: Que espera achegar ao equipo sobre a pista?
NEREA LISTE: Considero que podo darlle ao equipo rebote tanto ofensivo como defensivo e dureza defensiva que é unha das moitas cousas que caracteriza ao noso equipo.
Nerea Liste: “Podo darlle ao equipo rebote tanto ofensivo como defensivo e dureza defensiva que é unha das moitas cousas que nos caracterizan”
A.N.: Como te defines como xogadora?
NEREA LISTE: Non son unha xogadora especialista en nada, pero considero que podo facer ben bastantes cousas, adoito centrarme en facer ben os recursos tanto técnicos como tácticos básicos.
A.N.: Que obxectivos te marcas no aspecto individual e colectivo?
NEREA LISTE: Individualmente, o meu obxectivo deste ano é meter máis tiros desde fóra da zona e mesmo algún triplo, é algo que xa empecei a traballar a tempada pasada e levo traballando este verán. Colectivamente facer unha moi boa tempada, volver gozar tanto na pista e poder lograr o ascenso a Liga Challengue.
A.N.: Que aspiracións deportivas tes para ti e para o CB Arxil?
NEREA LISTE: A miña aspiración deportiva é seguir crecendo e seguir formándome para chegar ao meu soño de poder algún día xogar na primeira categoría. A miña aspiración para o CB Arxil, é que siga crecendo como club e poder chegar xuntos o máis lonxe posible.
A.N.: Que é para ti o Club Baloncesto Arxil?
NEREA LISTE: É unha gran familia que me acolleu moi ben desde o primeiro momento, tan só levo un ano no club pero para o meu é coma se fosen moitos máis.
