A Liga Feminina 2 volve no 2020. Tralo parón polas vacacións de Nadal, os equipos galegos pisan as canchas de novo. No último partido da primeira volta da competición, o Celta saíu vitorioso ante o pechacancelas no pavillón de Navia.
As de Maite Méndez, as únicas galegas que se desprazaron este fin de semana, perden en Leganés. O AD Cortegada intentouno ata o final contra o Movistar Estudiantes. O Baxi Ferrol recibe na Malata o domingo o Añares Rioja (12 de xaneiro, ás 12.00 horas)
O Celta gaña o seu primeiro partido do 2020
Navia presencia a primeira vitoria das celestes ante o Pozuelo por 76 a 49. Desde a xornada 10, o Celta non gañaba na súa cancha. Sumando así un novo triungo que as deixa a unha vitoria de distancia da terceira praza.
Partido que se pode divivir en dúas metades diferentes. Grazas a liña de 6,75 metros, o Pozuelo mantívose durante o partido. Tralo descanso, a realidade dos dous equipos se contabilizou nos 27 tantos de diferenza que señalou o electrónico final.
El Celta dominaba o encontro grazas as primeiras accións ofensivas lideradas por Edeferiola. Os primeiros cambios levaron a pista a exceleste, Paloma González. A xogadora tivo unha racha de acertos de lanzamentos exteriores que fixeron que equilibrara o primeiro paricial (17-17).
O recital de triplos foi no segundo cuarto. O Pozuelo anotou catro sendo incapaces de anotar de dous puntos. As viguesas non quedaron atrás e anotaron tres, destacando o de Ángela Coello. O xogo enriquecido decantou o triunfo antes do descanso, 34-29.
Os dez minutos restantes supuxeron un punto de inflexión. Acabouse o acerto exterior madrileño e as celestes puxeron a marcha directa cun parcial de 12-4 que rompía as distancia por primeira vez (45-33). Nunha entrada a canastra Tamara Montero golpeábase no nocello dereito e tivo que ser sustituída entre xestos de dor. O último cuarto apenas tivo historia. Momento no que Cristina Cantero premiaba a xogadora xuvenil Sara Vidal con os seus primeiros minutos na presente tempada. Aproveitou para anotar un triple. Sen novidade, chegouse o final cun 76 a 49.
A semana que ven volven a xogar en Navia, onde se presenciará o duelo galego entre o Celta e o Arxil (o sábado 18 de xaneiro, ás 18.30 horas).
FICHA TÉCNICA
CELTA ZORKA RECALVI: Celia García, Anne Senosiain, Elo Edeferioka, Breanne Richardson, Ainhoa Lacorzana —quinteto inicial—, Iciar Germán, Tamara Montero, María Barneda, Ángela Coello e Sara Vidal.
AEDAS HOMES CB POZUELO UFV: Inés Maruri, Leire Martín, Laura Velasco, Alicia Lapuente, Cristina Martínez —quinteto inicial—, Sofía Gaos de Teresa, Laura Martínez, Carmen Leal, Paloma González.
ÁRBITROS: Pedro Coladas Lois e Julio Cesar Alonso Díez.
PARCIAIS: 17-17, 17-12, 24-9, 18-11 (76-49).
Ás de Maite Méndez perden na súa visita á capital
O Arxil era o único equipo galego que se desprazaba este fin de semana na Liga Feminina 2. A súa cita era na capital. Concretamente en Leganés. O Laboratorios Ynsadiet Leganés saiú vitorioso no pavillón de Europa.
O conxunto pontevedrás comezou moi ben o encontro. Estiveron por diante nos primeiros dez minutos. Pero a vantaxe de tres puntos non significaba que o partido estaba sentenciado. A boa defensas madrileña púxollo moi dificil as de Maite Méndez. Ademais o acerto en tiro non axudaba tampouco. O final, 71 a 43.
Non obstante, o conxunto pontevedrés segue estando no mesmo posto da clasificación. O Arxil é duodécimo a tres puntos do Pozuelo. A semana que ven, inician a segunda volta cun duelo galego ante o Celta no pavillón de Navia (o sábado 18 de xaneiro, ás 18.30 horas).
FICHA TÉCNICA
LABORATORIOS YNSADIET LEGANÉS: Esther Moreno, Paloma Dorda, Kristina Rakovic, Lina Pikciute, Alba Prieto —quinteto inicial—, Sara Sánchez, Sara Zaragoza e Victoria Viñe.
C.B. ARXIL: Carla Fernández, Katarina Rosendal, María Lago, Cristina Díaz-Pache, Heather Forster —quinteto inicial—, Margarita Moreira, Noa Casalderrey, Adriana Aparicio, Aldara Vázquez e Violeta Crespo.
ÁRBITROS: Carlos Grande Claver e Carlos Sanz Torres.
PARCIAIS: 14-17, 15-6, 20-8, 22-12 (71-43).
Fontecarmoa recibía o líder da Liga Feminina 2
O pavillón municipal da cidade de Vilagarcía de Arousa acollía o partido entre o AD Cortegada e o Movistar Estudiante. A superioridade do líder na clasificación da competición foi o detonante do partido (40-72).
Tumbar o líder non era un reto moi doado. As xogadoras que dirixe Rubén Domínguez non mostraron a súa mellor cara. Algo que as madrileñas aproveitaron moi ben para marcar as diferenzas no electrónico. Nos primeiros minutos xa quedaba claro que o rival iba a levarse a vitoria (9-21). Distancia que aumentou no segundo cuarto cun parcial de 7 a 24, sendo no descanso 16-45.
O paso pos vestiarios non melloraron a situación. Ainda que conseguiron gañar o terceiro cuarto (16-12), nos dez últimos minutos estiveron moi por detrás. Unha distancia que se veu máis aumentado cun último parcial de 8 a 15. O conxunto arousá non contou cunha das súas pezas claves, Tyra Jones.
Desta maneira pechan o primeira volta da Liga Feminina 2 na undécima posición. A tan só catro puntos do pechacancelas. A semana que ven reciben en Fontecarmoa o Patatas Hijolusa (o sábado 18 de xaneiro, ás 19.30 horas)
FICHA TÉCNICA
A.D. CORTEGADA: Andrea Ríos, Patricia Vicente, Cristina Loureiro, Nuria Chorén María González —quinteto inicial—, Zeltia Presas, Irene Montenegro e Nerea Rey.
MOVISTAR ESTUDIANTES: Irene San Román, Laura Marcos, Aitana Cueas, Leslie Knight, Nicole Jones —quinteto inicial—, Gracía Alonso, Andrea Malanda, Mariana González, María Espin e Cristina Mato.
ÁRBITROS: Martín Trasancos Blanco e Iris Díaz Feijoo.
PARCIAIS: 9-21, 7-24, 16-12, 8-15 (40-72).
O Baxi remata a xornada o domingo ante o Rioja
O domingo 12 de xaneiro as 12.00 horas, A Malata presenciará a última xornada da primeira volta da Liga Feminina 2. Os enfrentados serán o Baxi Ferrol e o Añares Rioja.
O conxunto vasco necesita lograr o triunfo. Aínda así, no seu plantel están as dúas xogadoras máis valoradas da competición, Jessica Fequiere e Jaisa Nunn. O adestrador do conxunto da cidade departamental, Lino López, comentou o seguinte sobre o rival en rolda de prensa: “Calquera das dúas pode desequilibrar o partido. A nosa defensa debe de ser equipo para poder pararlas. Son difíciles de defender no un contra un”.
En canto o plantel local, María Torreblanca e Annina Aijanen non traballaron dous días por un proceso gripal e Tamara Kapor recibiu un golpe no cuádriceps. Ademais o club sacou a nova campaña de abonos para a segunda volta da competición.
DATOS DE INTERESE
CAMPO: Pavillón de A Malata – Ferrol (A Coruña)
ÁRBITROS: Ivan Escariz Torres e Daniel López Illán.
